Matius 21:23 - En Taar Weru a nunuwu' é Tontemboan

²³ An tutuw i Yesus icateka'o ang kintal im Balé Le'nas wo Sia tumo'tolo sumusui a sé tou, wo mai sé kikiiten é imam wo sé matu'a é tou Yahudi. Wuéien éra, “Maké ing kawasa sapa réén akar ro'na émaan-Mu waya en itu? Si séi réén e iméé ing kawasa itu ai Co?”

Matius 21:23 ပူးပေါင်းရင်းမြစ်များ

Matius 20:4

Icuana ai séra, ‘Mangéo taré tumawoi kamu an uma in anggorku, wo wéranku oka kamu si patus pawér ai camu.’ Kelinga in itu, séra makala'us mangé tumawoi.

Matius 21:24

Isowat i Yesus ai séra, “Yaku ka'i méé esa wuwuéien ai camu. Sa kasowatan iow em buéien-Ku, sowaten-Ku oka ka'i em buéien iow andumoro' ing kawasa sapa akar émaan-Ku waya en itu.

Matius 24:1

Kumawus in itu si Yesus kumesot tumela'u im Balé Le'nas, wo mai sé murit-Na rumuru ai Sia wo tumuru' sé wangunan am Balé Le'nas.

Matius 26:55

Wo an tutuw ituke', icua i Yesus a sé tou keli sé mai itumangka' Sia, “Paweroten iow réén Aku anio' tou léwo' akar kamu mai tumangka' Yaku maali-ali in sa'bel wo im papangkur? Susur in endo penéré-nérén iow Aku makalukut masusui am Balé Le'nas, wo ra'ica tinangka' miow Aku.

Lukas 19:47

Susur in endo si Yesus masusui am Balé Le'nas. Sé kikiiten é imam é tou Yahudi wo sé makailek wutul in Torat wo sé tou pasiri-siriin é tou Yahudi rumaméji maté Sia.

Lukas 20:1

Asi sangando, an tutuw i Yesus masusui a sé tou keli wo makua in Abar Kaaruien am Balé Le'nas, wo mai am bitu sé kikiiten é imam, sé makailek wutul in Torat wo sé matu'a é tou Yahudi.

Kisah Para Rasul 4:7

Si Petrus wo si Yohanes isaru an dior in sidang itu. Wo tumo'tolo séra memué-muéi ai séra in dua, “Ang karapi réén ing kawasa i séi wo maké i ngaran i séi, akar kamu méma' waya in itu?”

Kisah Para Rasul 7:27

Taan si tou si mukul si carapina itu rumuké si Musa, icuana, ‘Si séi réén e mangkai ico mamuali kikiiten ami wo makim icami?