Matius 21:20 - En Taar Weru a nunuwu' é Tontemboan

²⁰ An tutuw sérén é murit i Yesus en itu, séra mangaya-ngaya'ka', wo wuéien éra, “Tumambisa en tuura in ara itu makala'us imapera?”

Matius 21:20 ပူးပေါင်းရင်းမြစ်များ

Matius 21:19

Wo an tembir in lalan sérén-Na awéan tuur in ara. Wo rurun-Na mangé e mengat im bua'na in ara itu, taan ra'ica kinéréan-Na, aluar in lalainake'. Wo icua-Na a si tuur itu, “Ico ra'io kawisa mua' akar ing kauré-uré!” Wo asi témpo ituke' en tuur in ara itu makala'us mapera.

Matius 21:21

Isowat i Yesus ai séra, “En ulitna icua-Ku mangé ai camu, sa kamu mercaya wo ra'ica marua-rua wasa, kamu ro'na iméma' tanu si niéma'-Ku asi tuur in ara itu. Wo ro'na ka'i peréntan iow si tolaina anio', ‘Icaangkaio wo icawangkilo mangé an ta'sic!’, tantu en itu mamuali oka.

Matius 8:10

Kelinga in itu, si Yesus mangaya'ka' wo icua-Na ai séra sé makiit Sia, “En ulitna icua-Ku mangé ai camu, ra'ipé' kawisa ipeta'up-Ku em paémanen wangko' tanu si anio' mandé esake' tou an uner é tou Israel.