Matius 21:19 - En Taar Weru a nunuwu' é Tontemboan

¹⁹ Wo an tembir in lalan sérén-Na awéan tuur in ara. Wo rurun-Na mangé e mengat im bua'na in ara itu, taan ra'ica kinéréan-Na, aluar in lalainake'. Wo icua-Na a si tuur itu, “Ico ra'io kawisa mua' akar ing kauré-uré!” Wo asi témpo ituke' en tuur in ara itu makala'us mapera.

Matius 21:19 ပူးပေါင်းရင်းမြစ်များ

Matius 21:20

An tutuw sérén é murit i Yesus en itu, séra mangaya-ngaya'ka', wo wuéien éra, “Tumambisa en tuura in ara itu makala'us imapera?”

Markus 11:14

Wo icua-Na a si tuura in ara itu, “Mandé esake' tou ra'io wana eng kuman im bua'namu akar ing kauré-uré!” Sé murit-Na ka'i luminga in aicua-Na itu.

Markus 11:20

Asi mamoondona mai, an tutuw i Yesus wo sé murit-Na lumangkoi asi tuura in ara itu, kaséréan éra en tuura itu imaperao akar an a'mu-a'mutna.

Lukas 3:9

Sé tou ra'ica kiim mape'dis maéma' ing kaléwo'an, ukumen oka i Amang Kasuruan. En andéanna tanu si tou tumongkéi in tuura, si tumu'tulo im pati an a'mut in tuura en tongkéi in tuura sé ra'ica mengawéé wua'na loor wo tiya' an api.”

Yohanes 15:2

Pakasa em pangana sé a Yaku sé ra'ica mengawua' pokolen-Na, wo pakasa em pangana sé a Yaku sé mengawua' weresin-Na wosama' em bua'na makaawes eng kakeli.

Yohanes 15:6

Si séike' mangé si ra'ica menonou meesa wo Yaku, sia tanuoka im pangana si ra'ica mawua', itiya' oka wo mapera, wo li'usen oka é tou wo iténdél an untep in api wo tunun.

2 Timotius 3:5

Sa asalo suméré im paémaan éra, séra itu tanuoka woo mengaapo' wutul a si Amang Kasuruan, taan en ulitna séra ra'ica masalé' maké ing kawasa i Casuruan. Anaé, séra ra'ica wutul makiit si Casuruan. Ampa'paan in itu tumayango mangé ai séra!

Titus 1:16

Séra ka'i mangaku makatuus si Amang Kasuruan taan sa sérén em paémaan éra, séra meputé wo sé tou makélong Sia. Séra karican oka mai wo ra'ica le'tek ampa'paan masundur im perénta i Amang Kasuruan wo ra'ica makawoo mengaéma' in sapake' mangé sé loor.

Yudas 1:12

An tutuw iow iméma' im pésta ing kuman en tuma'néi ing kaupusan i Amang Kasuruan, sé tou itu mapalawi-lawi'ke' taré. Em pakakan éra longi' wo asaloke' mengawerot ing katoronaan in owak in esa. Séra tanu in seringa am pésta miow. Séra tanuoka ing kambung pera ipawali-wali in deges taan ra'ica méé mai in uran. Séra ka'i tanuoka sé tuura ing kayu sé ra'ica mengawua' an orasna i mua', sé tuura itu makémbut ang karapi in a'mu-a'mutna wo makape'de-pe'del.

Wahyu 22:11

Si séi si maéma' in léwo', iwayao mio' sia mengéma-ngéma' in léwo'. Si séi si maéma i najis, iwayao mio' sia mengéma-ngéma' i najis. Si séi si mengéma' im butul, iwayao mio' sia mengéma-ngéma' im butul. Si séi si le'nas, iwayao mio' sia menonou angé le'nas.”