Matius 21:16 - En Taar Weru a nunuwu' é Tontemboan

¹⁶ Wo icua éra a si Yesus, “Pinalinga-Mu sé ipaangko' é toyaang itu?” Isowat i Yesus ai séra, “Én, pinalinga-Ku. Ra'ipé' réén binaca miow si aipatic ang Kitap Le'nas si cumua in tana'i, ‘Aisusui-Muo a sé toyaang teké' wo a sé toyaang masusupé' e rumayo i makakii-kiit.’ ”

Matius 21:16 ပူးပေါင်းရင်းမြစ်များ

Matius 11:25

An tutuw itu si Yesus sumombayang, “O Amang Kasuruan si makakawasa in langit wo ing kayo'baan! Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé mengapaké ing kapinteran wo a sé tou pandéi, taan aituru' i Amang a sé tou en aténa tanu toyaangé' teké'.

Matius 12:3

Taan isowat i Yesus ai séra, “Ra'ipé' réén binaca miow sapa e niéma' i Daud, an tutuw sia wo sé tou makiit sia maaremo?

Matius 19:4

Isowat i Yesus ai séra, “Tantu binacao miow ang Kitap Le'nas sapaoka tumo'tolke' mai asi cataré niéma' i Amang Kasuruan sé tou, ‘Niéma'-Na tuama wo wéwéné.’

Matius 22:31

Taan andumoro' é tou imatéo wo touen sumawel, ra'ipé' réén binaca miow sapa en aicua i Amang Kasuruan a si apo'ta Musa? Icua-Na in tana'i,

Markus 13:17

Wo si kala'meren keli asi témpo itu, sé wéwéné maowa- owak kuma'pa sé pasusuané' é toyaang makatoué'.

Markus 2:25

Wo isowat i Yesus ai séra, “Ra'ipé' réén binaca miow sapa e niéma' i Daud, an tutuw sia wo sé tou makii-kiit sia maaremo wo ra'io wana kakanen?

Lukas 21:23

Wo si kala'meren asi témpo itu, sé wéwéné maowa-owak wo sé pasusuané' é toyaang makatoué', uli-ulit mawendu oka keli, ampa'paan am pakasa in tana' anio' sumangkum oka ing kawenduan wangko' wo sé tou am bitu ukumen oka i Amang Kasuruan in uli-ulit uter.