Matius 21:15 - En Taar Weru a nunuwu' é Tontemboan

¹⁵ An tutuw sé kikiiten é imam wo sé makailek wutul in Torat isuméré ing kakaya'kaan niéma'-Na, wo iluminga sé toyaang mengangko-ngangko' ang kintal im Balé Le'nas, “Hosana, a si taranak i Daud!”, wo séra mae'bow keli.

Matius 21:15 ပူးပေါင်းရင်းမြစ်များ

Matius 20:24

Kelinga in itu wo sé sangapulu' murit-Na mae'bow a sé rua metuari itu.

Matius 21:23

An tutuw i Yesus icateka'o ang kintal im Balé Le'nas wo Sia tumo'tolo sumusui a sé tou, wo mai sé kikiiten é imam wo sé matu'a é tou Yahudi. Wuéien éra, “Maké ing kawasa sapa réén akar ro'na émaan-Mu waya en itu? Si séi réén e iméé ing kawasa itu ai Co?”

Matius 21:9

Wo sé tou keli mawaya' an dior-Na wo awéan ka'i sé makiit an somoi. Séra mewali-wali maangko', “Hosana a si taranak i Daud! Irayoo mangé Sia si mai ang karapi i ngaran i Amang Kasuruan! Hosana ai Sia asi tampa rumangka-rangka'!”

Matius 22:42

“Sapa eng kailekan iow andumoro' i Kristus? Sia taranak i séi?” Wo isowat éra ai Sia, “Sia itu taranak i Daud.”

Matius 26:3

Asi témpo itu, sé kikiiten é imam wo sé matu'a é tou Yahudi mali'us am balé paento'an i imam wangko' makangaran Kayafas.

Matius 26:59

Sé kikiiten é imam wo pakasa sé anggota Mahkamah Agama maéré-éré kasairian ra'ica wutul andumoro' i Yesus wosama' Sia makéré ukuman patén.

Matius 27:1

Matawio i mando pakasa sé kikiiten é imam wo sé matu'a é tou Yahudi mali'us e meesa an léwo' e maté si Yesus.

Matius 27:20

Taan émaan é kikiiten é imam wo sé matu'a é tou Yahudi wosama' sé tou keli meesa mangilek a si Pilatus wosama' iwekarna si Barabas wo si Yesus ukumen patén.

Matius 9:27

An tutuw i Yesus lumala'us im bawayaan-Na, sé rua tou wola makiit Sia mengangko-ngangko' wo makua, “Éi taranak i Daud, caupusai kami.”

Markus 11:18

An tutuw é kikiiten é imam wo sé makailek wutul in Torat luminga andumoro' ing kamamualian itu, séra rumaméji maté Sia. Taan icaindé' éra Sia ampa'paan en sususuien-Na iméma' pakasa sé tou mangaya-ngaya'ka'.

Lukas 20:1

Asi sangando, an tutuw i Yesus masusui a sé tou keli wo makua in Abar Kaaruien am Balé Le'nas, wo mai am bitu sé kikiiten é imam, sé makailek wutul in Torat wo sé matu'a é tou Yahudi.

Lukas 22:2

Sé kikiiten é imam wo sé makailek wutul in Torat maéré-éré lalan tumambisa e maté si Yesus, ampa'paan séra maindé' a sé tou keli.

Lukas 22:66

An tutuw imandoo, mali'uso mai sé matu'a é tou Yahudi, sé kikiiten é imam wo sé makailek wutul in Torat. Wo si Yesus iwali éra en sidangen a Mahkamah Agama éra.

Yohanes 11:57

Séra mengkung-kuanan taniitu, ampa'paan sé kikiiten é imam wo sé tou Farisi imééo perénta sa awéan tou e makailek am bisa si Yesus, mai cua ai séra wosama' Sia ro'na tangkaan éra.

Yohanes 12:19

Wo sé tou Farisi mengkuanan si esa wo sé walina, “Kita ra'ica toro méma' sapa-sapa! Sérén, icumelio sé tou mengakiit Sia.”

Yohanes 4:1

Sé tou Farisi ilumingao sapaoka kelio sé tou mengakiit a si Yesus wo nibaptis-Na, akar ilumébéomai wo sé nibaptis i Yohanes.

Yohanes 7:42

Ra'ica réén ang Kitap Le'nas aipatic, si Mesias itu taranak i Daud wo imai asi roong Betlehem paento'an i Daud owo?”