Matius 21:11 - En Taar Weru a nunuwu' é Tontemboan

¹¹ Isowat é tou keli sé makiit si Yesus, “Sia itu si nabi Yesus a Nazaret owo si ang Galilea!”

Matius 21:11 ပူးပေါင်းရင်းမြစ်များ

Matius 2:23

Icateka' mangé séra ang Galilea, séra mento' ang kota makangaran Nazaret. Wo in taniitu, en taar sé aicua é nabi andumoro' i Toyaang itu imamualio: Sia tuulen oka “Tou Nazaret.”

Matius 21:10

An tutuw i Yesus muntep an Yerusalem, sé tou ang kota itu merega-rega. Wo séra membum-buéian, “Si séi si tou itu?”

Matius 21:26

Taan sa icuata, ‘Asé tou owo’, caindé'ta sé tou keli itu, ampa'paan paanggapen éra si Yohanes itu esa nabi.”

Matius 21:46

Anaé, raméjin éra in tumangka' Sia, taan icaindé' éra sé tou keli, ampa'paan kailekan éra si Yesus itu nabi.

Markus 6:15

Sé walina makua, “Sia itu nabi Elia!” Wo sé walina ka'i makua, “Sia itu esa nabi si meputé wo sé nabi indior.”

Lukas 13:33

Mandé ka'i in taniitu, asi endo anio', woondo wo asi endo katelu, Yaku musti lumala'us im bawaya'-Ku maangé an Yerusalem. Ampa'paan tumo'tolke' mai indior akar intarépé', ra'ica kawisa sé nabi pinaté ang kesot in Yerusalem.

Lukas 24:19

Wo wuéien ka'i i Yesus ai séra, “Sapa réén e imamuali?” Isowat éra, “Andumoro' si mamuali a si Yesus Tou Nazaret. Sia Nabi, e nunuwu'-Na wo em pengaémaan-Na uli-ulit wuta ing kawasa an dior i Amang Kasuruan wo an dior é tou.

Lukas 7:16

Pakasa sé tou am bitu maindé' wo séra rumayo wo sumiri' si Amang Kasuruan. Icua éra, “Si esa nabi wangko' an unertao! Si Amang Kasuruan imayo en lumowir sé tou-Na!”

Lukas 7:39

An tutuw i tou Farisi si menot si Yesus suméré sapa e niéma' i wéwéné itu, sia kumua an untep in aténa tana'i, “Sa Sia uli-ulit nabi, tantu kailekan-Na si séi si wéwéné itumimboi ai Sia anio' wo tantu kailekan-Na sapaoka si wéwéné itu wéwéné menonou ang kamesé-meséaan.”

Yohanes 1:21

Wo wuéien éra ka'i ai sia, “Sa taniitu si séi réén ko? Ico réén si Elia?” Isowat i Yohanes, “Ra'ica!” Wuéien éra ka'i, “Ico réén si nabi si paento-ento'en ami si maai oka itu?” Wo isowat i Yohanes, “Ra'ica!”

Yohanes 1:25

séra imamuéi in tana'i ai sia, “Sa ko ra'ica si Mesias Kolano Lumolowir ami, ra'ica si nabi Elia wo ra'ica si nabi wangko' si maai oka itu, kéitu réén ko mengabaptis?”

Yohanes 4:19

Icua i wéwéné itu ai Sia, “O, asi oras anio' kailekankuo si Tuang uli-ulit nabi.

Yohanes 6:14

An tutuw é tou itu isuméré in tuus kakaya'kaan niéma' i Yesus, icua éra, “Sia anio' wutu-wutul Nabi i Amang Kasuruan si aijanjio maai ang kayo'baan anio'!”

Yohanes 7:40

Keli en tou makalinga i nunuwu' i Yesus, wo an uner éra awéan e makua, “Sia anio' wutu-wutul nabi si paento-entoonta.”

Yohanes 9:17

Wo sé tou Farisi mamuéi ka'i a si tou itu, “Ico si tou wola si niéma'-Nao ro'na maséré, tambisa réén sa iciit ico andumoro' i Tou itu?” Isowatna ai séra, “Sia itu nabi.”

Kisah Para Rasul 7:37

Wo si Musa anio' ka'i si icumua a sé tou Israel tana'i, ‘Angkaien oka i Amang Kasuruan esa nabi tanu yaku torona miow, an uner é poo-poow iow.’