Matius 20:8 - En Taar Weru a nunuwu' é Tontemboan

⁸ An tutuw tawio imuntep si yéndo, icua i makauma itu a si mandorna, ‘Towano mai waya sé tou itumawoi wo wérano mio' en laasa éra, tumo'tol asé tou sosomoi mangé itumawoi akar asé tou imangé kataré-taré.’

Matius 20:8 ပူးပေါင်းရင်းမြစ်များ

Matius 20:7

Wo isowat éra ai sia, ‘Ra'ica wana tou en tume'tek ai cami.’ Wo icuana ai séra, ‘Sa taniitu, mangéo taré kamu tumawoi an uma in anggorku!’

Matius 20:9

Wo mai sé tou itumawoi tumo'tol asi jam lima im bawaando, en tinerima éra mekélé esa dinar.

Matius 25:19

Uré-uréan si tuang éra itu ra'ica imawaré-waréng. Wo kewaréngna mai wo sia merékénano wo sé atana andumoro' in doit si aitokéna ai séra.

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Lukas 10:7

Wo sa awéan tou itumerimao icamu, mentoo mio' am baléna wo tioo maéra-éra. Wo kumano wo melepo mio' sapa si aiwééna ai camu, ampa'paan si tou matawoi patus makéré in laasana.

Lukas 12:42

Wo isowat i Yesus ai séra maké in andéan, “Si séi réén si ata le'tek wo pandéi si angkaien oka i tuangna mamuali kikiiten asé ata walina sé matawoi am baléna, wosama' sia méé kanen a sé ata itu an orasnao ing kuman?

Lukas 8:3

Wo awéan ka'i si wéwéné makangaran Yohana penanaan i Khuza. Si Khuza anio', kikiiten mengaurus in doit i colano Herodes. Wo awéan ka'i si Susana wo keli sé wéwéné walina. Séra mengaselewir a si Yesus wo sé murit-Na mapaké ing kasiyaan éra.

2 Korintus 5:10

Ampa'paano icita im baya uli-ulit sumaru oka an dior i Kristus in akimen wo iesa wo esa tou makéré oka in susuli' kumiit sapa sé pinengaéma'na ang kauré menonou asi kayo'baan anio', loor kuma'pa léwo'.

Titus 1:7

Sé mengatilik an jamaat en tawoienna mengatu'tul sé jamaat i Amang Kasuruan, sia musti menonou ra'ica wana e ro'na méé kaséaan, ra'ica tirayo, ra'ica tae'bow, ra'ica lalangun, ra'ica tampenokolen wo ra'ica ata in doit.

Ibrani 9:28

Taniituo ka'i si Kristus, si makaesake' imaté mamuali iparagés en tumu'bus ing kamesé-meséaan é tou. Kekawus in itu Sia maai karua, ra'io en tumu'bus ing kamesé-meséaan é tou keli, taan e méé ing kalowiran a sé tou sé maento-ento' Sia.

1 Petrus 4:10

Kamu si esa wo si esa itumerimao ing kamang aitambér i Roh Le'nas, anaé musti pakén iow sumama-sama' eng kamang aitambér itu en sumelewir sé kakélé tou.