Matius 20:34 - En Taar Weru a nunuwu' é Tontemboan

³⁴ Wo mai eng kaupusan i Yesus ai séra in dua wo isuun-Na ing kama em beren éra. An tutuw ituke' séra ro'nao maséré wo séra kumiit Isia.

Matius 20:34 ပူးပေါင်းရင်းမြစ်များ

Matius 14:14

Icateka' mangé en londéi pakasakéan i Yesus, sérén-Na keli en tou wo mai eng kaupusan-Na ai séra wo sé tou sumakit sinama'-Na.

Matius 15:32

Wo towan i Yesus sé murit-Na wo kumua, “En até-Ku mendam ing kaupusan a sé tou keli anio'. Ampa'paan teluo ngando séra mengii-ngiit Yaku wo séra ra'io wana kakanen. Ra'ica kiim-Ku rumu'du' séra maréng ang karapi i maarem, oréoka séra awéan e mapusing an lalan.”

Matius 20:33

Isowat éra, “Tuang, icasalé' ami em beren ami ro'na suméré.”

Matius 21:1

An tutuw i Yesus wo sé murit-Na tawio in Yerusalem wo icateka' am Betfage si an Tolaina in Zaitun, wo ru'du'-Na sé rua murit-Na.

Matius 8:15

Timboian-Na eng kama i wéwéné itu wo icatalao en sakit paso'na. Sia ka'i tumoor wo selewirenna si Yesus.

Matius 9:29

Wo isuun-Na ing kama em beren éra in dua, wo icua-Na, “Mamualio ai camu tanu im paémanen iow.”

Matius 9:36

An tutuw i Yesus suméré sé tou keli makiit Sia, mai eng kaupusan in até-Na ai séra, ampa'paan séra makepéo wo icawayao tanuoka sé domba ra'io wana gembala.

Markus 7:33

Kekawus i Yesus wo si tou itu tumané asé tou keli, akar séra oka in dua, wo yuntep-Na em bua'na ing kama-Na an lunteng i tou itu. Sia rumura' wo pendamen-Na mangé en lila' i tou itu.

Lukas 18:43

Asi témpo ituke', si tou wola itu makala'uso maséré wo kumiit si Yesus ang karapi i marayo-rayo si Amang Kasuruan. Pakasa sé tou isuméré ing kinamamualian itu marayo-rayo ka'i si Amang Kasuruan.

Lukas 22:51

Taan icua i Yesus, “Nomoo ipelala'us!” Wo isuun-Na mangé ing kama en lunteng i tou itu wo samaan-Na.

Lukas 7:13

Keséré i Apo' Yesus si wéwéné balu itu, makala'us mai eng kaupusan-Na ai sia. Wo icua-Na a si wéwéné balu itu, “Inang, nomoo mengamé-ngamé'!”

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Ibrani 2:17

Ampa'paano in itu am baya-waya si Yesus musti mamuali kaputé é poo-poow-Na. Wo in taniitu, Sia ro'na mamuali Imam Wangko' si mengaturu' ing kaupusan a sé tou wo Sia le'tek mengaselewir a si Amang Kasuruan. Ang karapi im pakaselewir-Na tanu Imam Wangko', eng kamesé-meséaan é tou ro'na kaampungan.

1 Petrus 3:8

Anaé, kumusi' i nunuwu'ku anio' pangilekenku ai camu, musti meesa en até wo esa em pamendamen, meupu-upusan tanuoka sé mepoow wo tumuru' ing kaupusan wo ko'kos en até.