Matius 20:30 - En Taar Weru a nunuwu' é Tontemboan

³⁰ An tembir in lalan awéan rua tou wola makalukut. Kelinga éra si Yesus malangkoi wo séra mangko', “Tuang, taranak i Daud, icaupusai kami!”

Matius 20:30 ပူးပေါင်းရင်းမြစ်များ

Matius 13:4

Ang karoro'anna imawuras, awéan en lulumbo irumongkor an tembir in lalan. Wo mai ro'keten é burung sé lulumbo itu akar imaka'pu.

Matius 15:22

Wo mai si esa wéwéné Kanaan si an sangkum itu owo wo kumua, “Icaupusai aku é Tuang, taranak i Daud, ampa'paan si toyaangku wéwéné rinasuk i sétang wo wenduo keli.”

Matius 20:31

Wo romaan é tou keli séra in dua wosama' menes, taan séra in dua makataangko'ke' taré matowa, “Tuang, taranak i Daud, icaupusai kami!”

Matius 21:14

Kumawus in itu, sé tou wola wo sé tou kénto' mai ai Sia ang kintal im Balé Le'nas, wo séra sinama'-Na.

Matius 21:9

Wo sé tou keli mawaya' an dior-Na wo awéan ka'i sé makiit an somoi. Séra mewali-wali maangko', “Hosana a si taranak i Daud! Irayoo mangé Sia si mai ang karapi i ngaran i Amang Kasuruan! Hosana ai Sia asi tampa rumangka-rangka'!”

Matius 22:42

“Sapa eng kailekan iow andumoro' i Kristus? Sia taranak i séi?” Wo isowat éra ai Sia, “Sia itu taranak i Daud.”

Markus 10:46

Si Yesus wo sé murit-Na icateka'o ang kota Yerikho. An tutuw éra maya' kumesot ang kota itu, keli en tou makiit iséra. An tutuw éra i mawaya', awéan esa tou wola si makalukut wo mangile-ngilek an tembir in lalan. E ngaran i tou itu Bartimeus, toyaang i Timeus.

Lukas 4:18

“E Roh i Amang Kasuruan a Yakuo ampa'paan Aku sinisir-Nao eng kumua in Abar Kaaruien a sé tou lengéi, wo Yaku ka'i ayutuso i Amang Kasuruan eng kumua a sé tou tana'i: sé tou ayuntep am bui iwekar-Na oka, sé tou wola émaan-Na oka ro'na maséré, sé tou paoko-okoien émaan-Na oka icawekar,

Lukas 7:21

Asi témpo itu, si Yesus sumama' sé tou keli sé membam-balinaan en sakit si méma' iséra mawendu wo musér ka'i sé roh léwo'. Sia ka'i iméma' kelian sé tou wola ro'na maséré.

Kisah Para Rasul 2:30

Taan si Daud anio' nabi wo kailekanna sa si Amang Kasuruan ijumanjio ai sia ang karapi in sumpa sapaoka esa asé taranakna mamuali oka kolano.