Matius 20:26 - En Taar Weru a nunuwu' é Tontemboan

²⁶ Taan kamu ra'ica toro mengaéma' tanu siitu! Si séike' e masalé' mamuali tou wangko', aweso taré' sia sumelewir icamu.

Matius 20:26 ပူးပေါင်းရင်းမြစ်များ

Matius 20:27

Wo si séi e masalé' mamuali tou pasiri-siriin, sia musti sumelewir icamu tanu ata.

Matius 25:44

Wo isowat éra oka ai Sia in tana'i, ‘Kawisao réén sérén ami si Tuang maarem kuma'pa maré'om kuma'pa tanu sakéi an doong ami kuma'pa ra'ica mekarai kuma'pa sumakit kuma'pa an untep im bui wo ra'ica mai ami sérén?’

Matius 27:55

Wo am bitu ka'i kelian wéwéné sé makaséré an tayang, sérao sé wéwéné makii-kiit si Yesus tumo'tolke' mai ang Galilea owo e sumelewir Sia.

Markus 10:43

Taan kamu ra'ica toro mengataniitu! Si séike' e masalé' mamuali tou wangko' an uner iow, aweso taré' sia sumelewir icamu.

Markus 10:45

Ampa'paan si Toyaang i Tou ka'i maai ang kayo'baan anio', ra'ica maai en selewiran é tou taan mai en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Markus 9:35

Si Yesus lumukut wo tumowa sé sangapulu' rua murit-Na. Icua-Na ai séra, “Si séi e masalé' mamuali tou kumataré-taré, sia musti mamuali tou sumomo-somoi asé im pakasa é tou wo mengaselewir séra.”

Lukas 18:14

Icua-Ku ai camu: An tutuw si tou matagi im pajak itu maréng am baléna, sia si nianggap wutul i Amang Kasuruan, taan si tou ang golongan Farisi itu ra'ica. Ampa'paan si séi e mengarangka' in owak, sia iwawa' oka. Wo si séike' e mengawawa' in owak, sia iparangka-rangka' oka.”

Lukas 22:26

Taan kamu ra'ica toro taniitu. Si séi si mangko-wangko' an uner iow, sia musti tanu tou si makawawa-wawa'. Wo si mamuali kikiiten, musti tanu ata si maselewir a sé im pakasa in tou.

Yohanes 18:36

Isowat i Yesus, “Eng Kakolanoan-Ku ra'ica asi cayo'baan anio'. Sa eng Kakolanoan-Ku asi cayo'baan anio', tantu sé makiit Yaku sumundur oka wosama' Aku ra'ica isarakan a sé tou Yahudi. Taan eng Kakolanoan-Ku ra'ica asi cayo'baan anio' owo.”

Kisah Para Rasul 13:5

Icateka' mangé an Salamis am pulou Siprus, séra in dua kumua in Taar i Amang Kasuruan am balé-walé paapo'an é tou Yahudi. Asi témpo itu kumiit ka'i si Yohanes si patowan Markus, en sumémbonga i séra.

2 Korintus 1:24

Kami ra'ica ilumesé' icamu sapa sé musti émanen iow. Taan kami asalo tumawoi mewali-wali wo icamu wosama' kamu makaaru-arui. Émaan ami taniitu ampa'paan em paémanen iow ketero.

2 Timotius 1:18

Kailekanmu wutul ka'i sapaoka sia tatap mengatawang yaku an Efesus. Ampa'paan in ituo pekiupusenku a si Casuruan wosama' asi endo kaka'puan ing kayo'baan si endo i Casuruan makim sé tou, iwéé-Na mai eng kaupusan-Na a si Onesiforus.

Filemon 1:13

En ulitna icasalé'ku woo en tumang sia am bia'i, wosama' sia ro'na sumawel ico maselewir a yaku ang kauréku an untep im bui ampa'paan makua in Abar Kaaruien i Yesus Kristus.

Ibrani 1:14

Sa taniitu, si séi réén sé malaékat itu? Séra sé roh mengaéma' sapa sé airu'du' i Amang Kasuruan, sé ayutus-Na en tumawang sé tou sé makéré oka ing kalowiran.

1 Petrus 4:11

Sa awéan tou tumerima ing kamang aitambér i Roh Le'nas eng kumua in taar i Amang Kasuruan a sé tou, musti icuana en itu kumiit in taar i Amang Kasuruan. Wo sa awéan tou tumerima ing kamang aitambér i Roh Le'nas en tumawang sé tou, musti émaanna en itu maké ing kaketeran asi Amang Kasuruan owo. Anaé, pakén iow sumama-sama' eng kamang aitambér i Roh Le'nas ai camu esa wo si esa wosama' asé pakasa sé niéma'o miow itu, sé tou ro'na rumayo wo sumiri' si Amang Kasuruan, ampa'paano i Yesus Kristus. Si Amang Kasuruan itu makaanu i rarayo wo in sisiri' wo ing kakawasaan akar ing kauré-uré! Ulit.

1 Petrus 5:3

Wo tioo kamu asalo kaperé-perénta sé jamaat sé aitoké i Casuruan ai camu, taan kamu musti mamuali paandéan loor ai séra.

Wahyu 17:6

Wo sérénku si wéwéné itu malanguo ampa'paan i melep in enda' é tou le'nas wo in enda' é sairi-sairi i Yesus. Keséréku isia, yaku mangaya-ngaya'ka'.