Matius 20:24 - En Taar Weru a nunuwu' é Tontemboan

²⁴ Kelinga in itu wo sé sangapulu' murit-Na mae'bow a sé rua metuari itu.

Matius 20:24 ပူးပေါင်းရင်းမြစ်များ

Matius 20:23

Icua i Yesus ai séra, “Mémang kamu melep oka asi paelepan si musti elepen-Ku. Taan andumoro' in lumukut ang kakan wo ang ka'biri-Ku, Yaku ra'ica wana hak en tumantu ampa'paan sé palukutan itu aitu'tulo i Amang-Ku a sé tou si aitantu-Nao.”

Matius 20:25

Taan towan i Yesus pakasa sé murit-Na, icua-Na ai séra, “Kailekan iow sé makatimboi ing kakawasaan a sé bangsa sé ra'ica makatuus si Amang Kasuruan, séra maperénta sé tou éra kumiit ing kasalé'an éra. Wo sé kikiiten pasiri-siriin ka'i mengaokoi a sé tou kiit ing kasalé'an éra.

Markus 10:14

Keséré in itu, icae'bow i Yesus séra wo icua-Na, “Iwayao mio' sé toyaang itu mai a Yaku. Tioo pekala-pekalaan séra, ampa'paan sé tou tanu sé ituo e makaanu ing Kakolanoan i Amang Kasuruan.

Markus 10:41

An tutuw é sangapulu' murit i Yesus luminga im pinangilek i Yakobus wo i Yohanes, wo séra mae'bow.

Lukas 13:14

Taan si kikiiten am balé paapo'an é agama Yahudi itu mae'bow a si Yesus ampa'paan isumama' in tou an endo Sabat. Wo icuana a sé tou keli, “Awéan enem ngando em pengatawoi, ampa'paan in ituo mayo mapasama' ai Sia asi esa endo patawoi itu, tioo asi endo Sabat!”

1 Korintus 13:4

Si tou mengaupus sé tou walina, sia itu talesen, loor en até, ra'ica kokanat, ra'ica marayo in owak, wo ra'ica tirayo.

Filipi 2:3

Tioo mengaéma' in sapa-sapake' sé asalo mangéré ing katoronaanke' in owak in esa, kuma'pa mengatirayo in owak in esa. Taan ituru'o eng kako'kosan in até asi esa wo si esa wo weroteno mangé sé tou walina en lébé loorai wo in owak in esa.

Yakobus 3:14

Taan sa en até miow awéan em panganaten wo menonou ang katoronaanke' in owakna in esa, tioo kamu tirayo wo tioo matowo eng kumua sa kamu itu awéan kapinteran asi Casuruan owo, wo in taniitu ra'ica toro sélé'kow iow en sususuien wutul.

1 Petrus 5:5

Kamu é tou wo'bas, kamu musti le'tek a sé tou sé lébé matu'a. Wo kamu im baya sé maémano, kamu musti mensen-selewiran ang karapi ing ko'kos en até, ampa'paan ang Kitap Le'nas aicua in tana'i, “Si Amang Kasuruan oka en sumundur sé tou tirayo, taan sé tou ko'kos en até icaupus-Na.”