Matius 20:21 - En Taar Weru a nunuwu' é Tontemboan

²¹ Wuéien i Yesus ai sia, “Sapa réén em pangileken i inang?” Icuana a si Yesus, “Guru, sa si Guru kumawasao tanu Kolano, iru'du'o sé rua toyaangku anio' si esa lumukut ang kakan wo si esa ka'i ang ka'biri i Amang.”

Matius 20:21 ပူးပေါင်းရင်းမြစ်များ

Matius 18:1

An tutuw itu, sé murit-murit i Yesus mai ai Sia wo mamuéi, “Si séi e mangko-wangko' ang Kakolanoan in Sorga?”

Matius 19:28

Icua i Yesus ai séra, “En ulitna icua-Ku mangé ai camu, ang kayo'baan weru, si Toyaang i Tou lumukut oka am palukutan-Na iparayo-rayo wo pasiri-siriin e makim waya sé tou. An tutuw itu, kamu im baya é murit-Ku lumukut oka ka'i asi sangapulu' rua palukutan pasiri-siriin mewali-wali wo Yaku e makim sé sangapulu' rua suku é Israel.

Matius 20:22

Taan isowat i Yesus ai séra, “Ra'ica kailekan iow sapa em pinangilek iow. Makawoo réén kamu melep asi paelepan si musti elepen-Ku?” Wo isowat éra, “Én kawooan ami.”

Matius 20:32

Wo si Yesus mento' wo towan-Na sé rua tou itu wo wuéien-Na ai séra, “Sapa en casalé' miow émaan-Ku ai camu?”

Markus 10:51

Wo wuéien i Yesus ai sia, “Sapa réén en casalé'mu émaan-Ku ai co?” Isowat i Bartimeus, “Guru, Icasalé'ku sa woo ro'na aku suméré.”

Markus 16:19

Makanuwu' mako si Apo' Yesus a sé murit-Na, Sia icaangkai angé an sorga wo lumukut ang kakan i Amang Kasuruan.

Markus 6:22

Ang karoro'an imapésta, muntepai si mangala'un i Herodias wo mengéngké-ngéngké, em pakaéngkéna itu mengaarui keli in até i Herodes wo sé sakéina. Kumawusai i maéngké, sia towan i Herodes, wo icuana, “Pangilekeno mai sapake' en casalé'mu, iwééku oka ai co!”

Lukas 18:41

“Sapa réén en casalé'mu émaan-Ku ai co?” Wo isowat i tou itu, “O Tuang, casalé'ku woo wosama' ro'na suméré!”

Lukas 19:11

Ang karoro'an é tou keli malingapé' si Yesus maroma' wo lala'us-Na ka'i in sumisil esa andéan, ampa'paan Sia matawio an Yerusalem wo pawasan ka'i é tou itu, sapaoka Sia makala'- uso merénta tanu Kolano ai séra.

Lukas 22:24

Wo sé murit i Yesus meindo-indoan roma' andumoro' si séi e mangko-wangko' an uner éra.

Yohanes 15:7

Sa kamu menonou meesa wo Yaku wo en taar-Ku an untepo in até miow, mangileko mangé sapake' en icasalé' miow, wo teriman oka miow sé pinangilek iow.

Kisah Para Rasul 1:6

Asi makasa si Yesus wo sé ruru'du'an-Na mali'us. Wo wuéien é ruru'du'an itu ai Sia, “Tuang, asi oras anio' icasalé' réén émaan i Tuang eng kakolanoan Israel maloor sumawel tanu indior?”

Roma 12:10

Meupu-upusano mangé kamu si esa wo si esa tanu mepoow an esa paémanen. Wo kamu mengarior angé mawéé in siri' a sé tou walina.

Roma 8:34

Ra'ica wana tou e ro'na méé séa', ampa'paan bélan oka i Kristus Yesus an dior i Amang Kasuruan. Sia imatéo torona icita wo tinou sumawel, wo makalukut ang kakan i Amang Kasuruan wo mekiupus torona icita.

Kolose 3:1

Poo-poow, si Kristus itumouo sumawel, anaé kamu sé maéman ai Sia tanuoka aitou sumawel ang katouan weru mewali-wali wo Sia. Ampa'paano in itu rumaméjio mangé kamu mangéré andumoro' sé an sorga. Asi tampa itu si Kristus makalukut ang kakan i Amang Kasuruan.