Matius 20:11 - En Taar Weru a nunuwu' é Tontemboan

¹¹ Pakateriman éra mai en doit itu, séra mangingimburung oka a si makauma itu.

Matius 20:11 ပူးပေါင်းရင်းမြစ်များ

Matius 20:10

Wo mai sé tou tine'tekkan tumo'tol i mamoondo. Em pawasan éra en laasa iwér ai séra kumeli mai wo sé tou mai tumawoi sosomoi. Taan en tinerima éra wayake' in esa dinar.

Matius 20:12

Icua éra, ‘Tuang, sé tou mai tumawoi sosomoi en aitawoi éra wayake' in satu jam, taan en aiwér ai séra meputéke' wo en aiwér ai cami sé itumawoi uter sangando wo imendamo ing kapaso' i yéndo.’

Markus 14:5

Si solo mawou manam itu sosor keli em bééna wo sa en itu iwangkér em bééna lébé telu ngaatus dinar. Wo en doit itu ro'na iwéténg a sé tou lengéi.” Wo icae'bow éra si wéwéné itu.

Lukas 15:2

Wo sé tou Farisi wo sé makailek wutul in Torat tumo'tolo mengimbu-ngimbulu. Icua éra, “Si Tou anio' tumerima sé tou iméma ing kamesé-meséaan wo kuman mewali-wali wo iséra.”

Lukas 19:7

Taan pakasa é tou sé makaséré in itu mengimbu-ngimbulu. Icua éra, “Sia lumosér oka am balé i tou ang kamesé-meséaan!”

Lukas 5:30

Keséré in itu, sé tou Farisi wo sé makailek wutul in Torat menge'bo-nge'bow a sé murit i Yesus wo icua éra, “Kéitu réén kamu kuman wo melep mewali-wali ang karapi é matagi im pajak wo sé tou iméma' ing kamesé-meséaan?”

Yohanes 6:41

Wo sé tou Yahudi membere-mbereng andumoro' i Yesus, ampa'paan aicua-Na Sia itu kakanen si tumumpao mai an sorga owo.

Yohanes 6:61

Kailekan i Yesus sé tou makii-kiit Sia itu membere-mbereng ampa'paan in ituo icua-Na ai séra, “Kéitu, ra'ica réén icasalé' miow sé aicua-Ku itu?

Kisah Para Rasul 13:45

Taan an tutuw sérén é kikiiten é tou Yahudi sé tou keli itu, en até é kikiiten itu manganat keli. Anaé pakasa sé ipakua i Paulus wo si Barnabas, ipakélong wo ka'i paroros éra.

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.

Yudas 1:16

Séra itu mengimbuluke' wo mengawéé séa' a sé tou walina, taan séra in esa menonou makiit ing kasalé'an in owak éra mengaéma' ing kamesé-meséaan. Séra manuwu' mengaangkai in owak in esa wo manuwu' maarui sé tou walina e mekéré in untung.