Matius 2:6 - En Taar Weru a nunuwu' é Tontemboan

⁶ ‘Ico Betlehem an tana' Yehuda, ico ra'io ka'i kota si tumeki-tekic an uner é kota an Yehuda, ampa'paan ai coo maai oka si esa Tou e merénta sé tou-Ku Israel.’ ”

Matius 2:6 ပူးပေါင်းရင်းမြစ်များ

Matius 2:1

Kekawus i Yesus aitou am Betlehem an tana' Yudea an tutuw i colano Herodes makatimboi ing kakawasaan, wo mayo sé tou majus a micona owo mai an Yerusalem.

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Yohanes 21:16

Wuéien ka'i i Yesus ing karua a si Petrus, “Simon, toyaang i Yohanes, icaupusmu réén Aku?” Isowat i Petrus, “Wutul é Tuang, kailekan-Mu sapaoka aku mengaupus Ico.” Icua ka'i Yesus ai sia, “Paliarano mio' sé domba-Ku.”

Yohanes 7:42

Ra'ica réén ang Kitap Le'nas aipatic, si Mesias itu taranak i Daud wo imai asi roong Betlehem paento'an i Daud owo?”

Efesus 1:22

Pakasa aiweta'o i Amang Kasuruan am palara ing kécéi i Kristus wo niéma'o i Amang Kasuruan Sia mamuali kapala am baya-waya akar Sia imamuali kapala é jamaat.

Kolose 1:18

Siao si capala matu'tul sé jamaat, kaputé in do'kos si makakawasa in owak. Anaé, Siao en lébé penting wo im baya-waya, ampa'paan Siao si luluna, si kataré-taré tinou sumawel an uner é tou imatéo.

Ibrani 7:14

Pakasa en tou makaileko sapaoka si Apo' Yesus itu taranak in suku Yehuda, wo si Musa ra'ica isumangkum ako tumuul i ngaran in suku itu tutuwna maroma' in andumoro' sé imam.

Wahyu 11:15

Wo si malaékat kapitu sumengo in terompét, wo awéan suara si maangko' an untep in sorga makua, “Eng kakolanoan ing kayo'baan mamualio Kakolanoan i Casuruanta wo Kakolanoan i Kristus. Sia merénta oka akar ing kauré-uré.”

Wahyu 2:27

Wo peréntanna oka séra ang karapi im beka' bési wo tumeri iséra tanu in tumeri ing kuré'. Eng kawasa si aiwéé ai sia puté wo ing kawasa si aiwéé i Amang-Ku a Yaku.

Wahyu 7:17

Ampa'paan si Toyaang i Domba si an uner im palukutan pasiri-siriin itu mamuali oka gembala éra, wo akinen-Na séra mangé asi palemboian in dano si mengawéé ing katouan. Wo pisin oka i Amang Kasuruan pakasa en dano im beren éra.”