Matius 2:4 - En Taar Weru a nunuwu' é Tontemboan

⁴ Wo li'usenna waya sé kikiiten é imam wo sé makailek wutul in Torat. Wo wuéienna ai séra. “Am bisa réén en touan oka i Kristus?”

Matius 2:4 ပူးပေါင်းရင်းမြစ်များ

Matius 13:52

Wo icua i Yesus ai séra, “Ampa'paan in itu, susur é makailek wutul in Torat sé tumerimao in sususuien andumoro' ing Kakolanoan in Sorga itu, séra ayandé tanu si makawalé cumesot ing kasiyaan weru wo si uré asi tampa pengaémaanna ing kasiyaan.”

Matius 2:3

An tutuw i colano Herodes luminga in abar itu sia mangaya'ka', taniitu ka'i pakasa sé tou an Yerusalem.

Matius 2:5

Wo icua éra ai sia, “Am Betlehem an tana' Yudea, ampa'paan tana'i en aipatic ang kitap i nabi.

Matius 21:15

An tutuw sé kikiiten é imam wo sé makailek wutul in Torat isuméré ing kakaya'kaan niéma'-Na, wo iluminga sé toyaang mengangko-ngangko' ang kintal im Balé Le'nas, “Hosana, a si taranak i Daud!”, wo séra mae'bow keli.

Matius 21:23

An tutuw i Yesus icateka'o ang kintal im Balé Le'nas wo Sia tumo'tolo sumusui a sé tou, wo mai sé kikiiten é imam wo sé matu'a é tou Yahudi. Wuéien éra, “Maké ing kawasa sapa réén akar ro'na émaan-Mu waya en itu? Si séi réén e iméé ing kawasa itu ai Co?”

Matius 26:3

Asi témpo itu, sé kikiiten é imam wo sé matu'a é tou Yahudi mali'us am balé paento'an i imam wangko' makangaran Kayafas.

Matius 26:47

An tutuw i Yesus maroma'pé', wo mai si Yudas si esaan asé sangapulu' rua murit-Na mewali-wali wo sé tou keli sé maali-ali in sa'bel wo im papangkur. Séra airu'du' é kikiiten é imam wo sé matu'a é tou Yahudi.

Matius 27:1

Matawio i mando pakasa sé kikiiten é imam wo sé matu'a é tou Yahudi mali'us e meesa an léwo' e maté si Yesus.

Matius 7:29

Ampa'paan Sia mengasusui wuta ing kawasa, ra'ica tanu sé makailek wutul in Torat.

Markus 8:31

An tutuw itu, tumo'tolo si Yesus sumusui ai séra sapaoka si Toyaang i Tou musti muléng ing keli kawenduan wo icélong oka é matu-matu'a é tou Yahudi, kikiiten é imam wo sé makailek wutul in Torat, wo Sia patén oka taan asi endo katelu Sia tumou sumawel.

Lukas 20:19

Kelinga in andéan aicua i Yesus, kailekano é makailek wutul in Torat wo sé kikiiten é imam sapaoka en andéan itu tumuru' iséra. Ampa'paan in ituo asi témpo ituke' raméjin éra in tumangka' Sia, taan caindé' éra sé tou keli.

Lukas 23:10

Ang karoro'an in itu, sé kikiiten é imam wo sé makailek wutul in Torat mangé tumulung an dior wo ra'ica mento' menudu-nudu si ra'ica wutul a si Yesus.

Yohanes 18:3

Wo si Yudas mai an tampa itu ang karapi é sangareru' suraro wo sé mengatéir im Balé Le'nas sé airu'du é kikiiten é imam wo sé tou Farisi. Séra mai maali-ali in lantérna, obor wo lulutaw.

Yohanes 3:10

Isowat i Yesus, “Ico guru agama si pasiri-siriin é tou Israel, kéitu réén ra'ica kaangéanmu sé andumoro' in itu?

Yohanes 7:32

Kalingaan é tou Farisi, keli tou mengkeng-kewitan andumoro' si Yesus. Ampa'paan in ituo, iru'du' é kikiiten é imam wo sé tou Farisi sé matéir am Balé Le'nas en tumangka' si Yesus.

Yohanes 8:3

An tutuw i Yesus masusui, imayo sé makailek wutul in Torat wo sé tou Farisi. Iwali éra mai si esa wéwéné si kinaumaan mengaéma' in sina.

Kisah Para Rasul 23:9

Ampa'paano in itu, en am bitu malicokoo. Wo piraan sé makailek wutul in Torat asé golongan Farisi mai an dior wo méla si Paulus. Icua éra, “Sa kumiit icami, si tou anio' ra'ica isuméa'! Séi si makailek awéan roh kuma'pa malaékat imai wo rumoma' ai sia?”

Kisah Para Rasul 4:5

Asi woondona mai, sé kikiiten é tou Yahudi, sé matu'a wo sé makailek wutul in Torat sumidang an Yerusalem.

Kisah Para Rasul 6:12

Tanu siituo em pengaémaan éra mengawéé in léwo' a sé tou keli, a sé matu'a, a sé makailek wutul in Torat. Wo tangkaan éra si Stefanus wo wésoon éra sia wo iwali éra mangé a Mahkamah Agama.