Matius 2:2 - En Taar Weru a nunuwu' é Tontemboan

² Séra memué-muéi, “Am bisa Sia, si colano é tou Yahudi si makatoué' itu? Sinéréo ami si sumesendot-Na a micona wo kami mai eng kumundu en sumiri' Sia.”

Matius 2:2 ပူးပေါင်းရင်းမြစ်များ

Matius 2:3

An tutuw i colano Herodes luminga in abar itu sia mangaya'ka', taniitu ka'i pakasa sé tou an Yerusalem.

Matius 21:5

“Icuao mangé a sé tou an Yerusalem, ‘Sérén, si Colano miow maayo ai camu. Sia ko'kos en até, makalukut am bawo i esa keledai, si esa keledai wo'basé'.’ ”

Matius 27:11

Wo iwali éra si Yesus ipeta'up wo si Pilatus. Wo wuéienna a si Yesus, “Ulit réén Ico si Colano é tou Yahudi?” Isowat-Na, “Si amango in esa eng kumua in itu.”

Lukas 19:38

Icua éra, “Rayoo Sia si mai tanu Kolano si mai ang karapi i ngaran i Amang Kasuruan! Kita pineeluro wo si Amang Kasuruan si an sorga wo rayoo wo siriino Sia asi tampa Rumangka-rangka'!”

Lukas 2:11

En abar itu tana'i: Asi endo anio' ang kota Daud makangaran im Betlehem itumouo si Lumolowir iow, Siao si Kristus, si Kasuruan.

Lukas 23:3

Wo wuéien i Pilatus a si Yesus, “Wutul réén Ko Kolano é tou Yahudi?” Isowat i Yesus, “Si amango in esa en cumua in itu.”

Lukas 23:38

A mangéna in do'kos i Yesus ang kayu salip, pinakuan esa papang si pinatican in tana'i, “Si anioo si Colano é tou Yahudi.”

Yohanes 1:49

Icua i Natanael a si Yesus, “Guru, Ico Toyaang i Amang Kasuruan, Ico Kolano é tou Israel!”

Yohanes 12:13

Séra mindo in lala-lalaina im palem, wo mangé sumungkul si Yesus ang karapi in suara taangko', “Hosana! Irayoo Sia si mai ang karapi i ngaran i Amang Kasuruan. Irayoo si Colano é Israel!”

Yohanes 18:37

Wo icua i Pilatus ai Sia, “Anaé, kolano réén Ko?” Isowat i Yesus, “Ico en icumua sapaoka Yakuo si colano. Yaku aitou wo mai ang kayo'baan eng kumua in sususuien wutul andumoro' i Amang Kasuruan. Si séike' sé masalé' luminga in sususuien wutul andumoro' i Amang Kasuruan, tantu pengalinganna sé ipakua-Ku.”

Yohanes 19:19

Iru'du' ka'i i Pilatus im pakuan angé esa papang ang kayu salip, si pinatican in tana'i: “Si Yesus, tou Nazaret, Kolano é tou Yahudi.”

Yohanes 20:28

Wo icua i Tomas, “Icoo si Tuangku wo ka'i Amang Kasuruanku!”

Yohanes 5:23

Niéma' i Amang taniitu wosama' pakasa en tou sumiri' si Toyaang-Na kaputé éra sumiri' si Amang. Si séike' si ra'ica sumiri' si Toyaang-Na, sia ka'i ra'ica sumiri' si Amang si mutusai si Toyaang.

Yohanes 9:38

Icua i tou itu, “Émanenku, é Tuang!” Wo sia kumundu wo maapo' ai Sia.

Ibrani 1:6

Taan, an tutuw si Amang Kasuruan imutusai si Toyaang-Na luluna mai ang kayo'baan anio', icua-Na in tana'i, “Pakasa sé malaékat i Amang Kasuruan musti kumuru en sumiri' Sia.”

Wahyu 22:16

Icua ka'i i Yesus, “Yaku, si Yesus imutuso si malaékat-Ku e méé ing kasairian andumoro' pakasa im perkara anio' ai camu torona é jamaat. Yakuo en sééna, si taranak i Daud, si lolouren si sumendo-sendot.”