Matius 2:12 - En Taar Weru a nunuwu' é Tontemboan

¹² Kekawus in itu, ampa'paan séra linupuan am pinangipi wosama' ra'ica toro maréng angé a si Herodes, anaé séra maréng an doong éra kumiit an lalan walina.

Matius 2:12 ပူးပေါင်းရင်းမြစ်များ

Matius 1:20

Taan ang karoro'an i Yusuf memero-merot im basana itu wo mai si malaékat i Casuruan mapaturu' am pinangipina wo kumua, “Yusuf, taranak i Daud, tioo ko maindé' mindo si Maria mamuali penanaanmu ampa'paan si toyaang am pootna itu asi Roh Le'nas owo.

Matius 2:13

Kewaréng angé é tou majus itu, mapaturu' mai si malaékat i Amang Kasuruan am pangipi i Yusuf wo kumua, “Tumooro, indono si Toyaang itu ang karapi i inang-Na, sumingkiro mangé a Mesir wo mentoo a mangé mbitu akar Aku numuwu' ka'i ai co. Ampa'paan pangérén oka i Herodes si Toyaang itu e maté Sia.”

Matius 2:19

An tutuw i Herodes maté, si malaékat i Amang Kasuruan mapaturu' mai am pinangipi i Yusuf a mangé Mesir.

Matius 2:22

Taan kelinga i Yusuf sapaoka si Arkelaus toyaang i Herodes en sumawel si amangna e mamuali kolano an Yudea, si Yusuf maindé'ke' maréng angé. Ampa'paan aisina'u am pinangipi, wo sia mangéke' an sangkum ing Galilea.

Matius 27:19

Ang karoro'an i Pilatus makalukut am paakiman wo mai en taar si aicirim i penanaanna ai sia, “Tioo ko marambét am perkara i Tou wutul itu, ampa'paan Siao akar aku kawengi mangipi léwo'.”

Lukas 2:26

Wo aicuao i Roh Le'nas ai sia sapaoka sia ra'ipé' maté sa ra'ipé' isuméré si Kristus, si Kolano ayutus i Amang Kasuruan e mai lumowir sé tou-Na.

Kisah Para Rasul 10:22

Wo isowat éra, “Kami airu'du' mai i Kornelius si perwira é Romawi. Sia tou sama' wo maapo' a si Amang Kasuruan wo pasiri-siriin é tou Yahudi. Asi makasa, sia pinapaturu'an i malaékat i Amang Kasuruan wo rumu'du' e menot ico mangé am baléna wosama' sia ro'na luminga sapa en icua i tuang.”

Kisah Para Rasul 4:19

Taan isowat i Petrus wo si Yohanes ai séra, “Icamuo en tumantu si wisa si wutul an dior i Amang Kasuruan, le'tek am perénta é tuang kuma'pa le'tek am perénta i Amang Kasuruan.

Kisah Para Rasul 5:29

Wo isowat i Petrus wo sé ruru'du'an walina, “Kita musti male'te-le'tek a si Amang Kasuruan, ra'ica a sé tou.

1 Korintus 3:19

Ampa'paan sé paweroten é tou ang kayo'baan kapinteran, en itu paweroten bodok i Amang Kasuruan. Ang Kitap Le'nas aipatic in tana'i, “Awéan sé tou paweroten ing kayo'baan pinter, taan pinaké i Amang Kasuruan eng kapinteran éra itu eng kumala iséra.”

Ibrani 11:7

Ampa'paan si Nuh awéan paémanen, sia kinuanan i Amang Kasuruan sapa sé mamuali oka sa, sé ra'ipé' sumangkum ako sinéréna, wo ang karapi ing katale'tekanna émaanna esa kapal wangker en lumowir sé pamaléna asi sonop wangko'. Wo in taniitu ituru'na sapaoka sé tou ang kayo'baan patus ukumen, wo sia in esa tinerima i Amang Kasuruan tanu tou nianggap wutul ampa'paan im paémanenna.

Ibrani 8:5

Séra mengaselewir tanu imam an ténda paapo'an en ulitna asalo mamuali patron wo bayangan asé sapa sé an sorga. Ampa'paan an tutuw i Musa masalé' mangun in ténda paapo'an, sia kinuanan i Amang Kasuruan in tana'i, “Musti émaanmu em pakasa iciit im patron si aituru'-Kuo ai co am bawo ing kuntung itu.”