Matius 2:11 - En Taar Weru a nunuwu' é Tontemboan

¹¹ Wo séra muntep am balé itu, sérén éra si Toyaang itu ang karapi i Maria inang-Na. Wo séra kumundu wo kumuru en sumiri' si Toyaang itu. Wukaan éra en tampa pengaémaan ing kasiyaan wo iwéé éra eng kasiyaan éra tanu raragés ai Sia tanumai mas, kamenyan wo mur.

Matius 2:11 ပူးပေါင်းရင်းမြစ်များ

Matius 1:18

Tana'i en sisisilen andumoro' ing ketou i Yesus Kristus: Si Maria inang i Yesus, tinantuano kawéngen i Yusuf, taan an tutuw éra ra'ipé' icumawéng, si Maria maowa-owako ampa'paan ing kawasa i Roh Le'nas.

Matius 12:46

An tutuw i Yesus mapaaré' wo sé tou keli itu, si inang-Na wo sé mepoow wo i Sia mai am bitu. Séra makatulung ang kesot rumaméji meta'up wo Sia.

Matius 14:33

Sé tou an londéi itu kumuru en sumiri' Sia wo kumua, “En ulitna si Tuang Toyaang i Amang Kasuruan.”

Matius 2:10

An tutuw éra isuméré si sumesendot itu, séra wutu-wutul arui.

Matius 2:2

Séra memué-muéi, “Am bisa Sia, si colano é tou Yahudi si makatoué' itu? Sinéréo ami si sumesendot-Na a micona wo kami mai eng kumundu en sumiri' Sia.”

Lukas 2:16

Wo séra mario-rior angé am Betlehem. Wo peta'up éra si Maria wo si Yusuf ang karapi i Toyaang itu si ipakatekel am pawa'uban é binatang.

Lukas 2:38

An tutuw i Simeon mapaar ang karapi i Yusuf wo si Maria, si Hana ka'i mai am bitu. Sia kumua makapulu'sama' a si Amang Kasuruan wo ipakua-kuana in andumoro' i Toyaang teké' makangaran Yesus itu a sé im pakasa é tou am bitu sé mengento-ngento' in endo an tutuw i Amang Kasuruan maai mekar sé tou Israel.

Yohanes 19:39

Wo mai ka'i am bitu si Nikodemus. Sia si sumangkumo mai meta'up wo si Yesus asi sangawengi. Sia imai maali-ali in solo mawou manam si kinemuan i mur wo eng gaharu, eng kauter i ramuan itu wona' telu ngapulu' kilo.

Wahyu 19:10

Wo aku kumundu an dior ing kécéi i malaékat itu en sumiri' sia, taan icuana a yaku, “Tioo ko méma' taniitu a yaku! Ampa'paan yaku asaloke' ata i Amang Kasuruan kaputému wo kaputé é poo-poowmu an esa paémanen sé masairi andumoro' i Yesus. Apoono mangé si Amang Kasuruan, ampa'paan eng kasairian i Yesus ituo e méma' sé tou mengakua in Taar i Amang Kasuruan.”

Wahyu 5:8

An tutuw Sia mindo ing gulungan kitap itu, sé epat mahluk wo sé rua ngapulu' epat matu'a kumundu an dior i Toyaang i Domba itu. Sé mahluk wo sé matu'a itu makatimboi mekélé esa kecapi wo mekélé esa paelepan mas si wuta ing kamenyan. Siituo en sombayang é tou le'nas.