Matius 19:3 - En Taar Weru a nunuwu' é Tontemboan

³ Wo mai piraan tou Farisi en tuma'kong Sia. Wuéien éra ai Sia, “Sa kumiit in ukum in agamata, ro'na réén si tuama icumawéngo cuméré si penanaanna maké in alasan sapake' mangé?”

Matius 19:3 ပူးပေါင်းရင်းမြစ်များ

Matius 16:1

Wo mai sé piraan tou Farisi wo Saduki e mangepé' si Yesus. Pangileken éra wosama' ipapaturu'-Na ai séra esa tuus an sorga owo.

Matius 22:35

Wo awéan esa ai séra si makailek wutul in Torat, mangepé' tuma'kong si Yesus maké im buwuéien.

Markus 10:2

Wo mai sé tou Farisi e mangepé' a si Yesus. Wuéien éra ai Sia, “Ro'na réén si tuama icumawéngo cuméré si penanaanna?”

Markus 12:13

Kekawus ako in itu, sé kikiiten é agama Yahudi rumu'du' piraan tou Farisi wo sé tou Yahudi sé makiit si colano Herodes en tuma'kong si Yesus, maké im buwuéien.

Markus 12:15

Taan kailekan i Yesus eng kapunekan éra wo icua-Na ai séra, “Kéitu réén kamu mangepé' a Yaku? Iwéé mai esa dinar wo sérén-Ku!”

Yohanes 8:6

Icua éra in taniitu e mangepé' a si Yesus, wosama' séra ro'na makéré alasan e méé kaséaan ai Sia. Taan si Yesus asalo icumuru wo mapatic in tuturu' ing kama-Na an tana'.

1 Korintus 7:10

A sé tou sé icumawéngo si anioo em peréntaku. (En ulitna ra'ica yaku iméé im perénta itu taan si Apo' Yesus.) Em perénta-Na itu tana'i: si wéwéné awéano penanaan ra'ica toro metané wo si tuama penanaanna.

Ibrani 3:9

Icua i Amang Kasuruan “An tana' kapayasan sé apo-apo' miow imangepé' a Yaku mandé séra suméréo in tuu-tuus kakaya'kaan sé niéma'-Ku epat ngapulu' ngata'un eng kauréna.