Matius 19:29 - En Taar Weru a nunuwu' é Tontemboan

²⁹ Wo si tou itumela'- uo im baléna, sé metuari wo isia tuama kuma'pa wéwéné, si amangna kuma'pa si inangna, kuma'pa sé toyaangna kuma'pa umana ampa'paano ing kumiit Yaku, terimanna oka waya en iitu sangaatus lumepet wo makéré oka ing katouan akar ing kauré-uré.

Matius 19:29 ပူးပေါင်းရင်းမြစ်များ

Matius 10:22

Wo pakasa in tou masuut oka icamu ampa'paan kamu makiit Yaku. Taan sé tou le'tek makiit Yaku akar imaté makéré oka ing kalowiran.

Matius 13:23

Wo en lulumbo sé rumongkor an tana' kemel meputé wo sé tou iluminga in taar wo kaangéan éra. Séra méé wua'na, awéan e méé wua'na sangaatus lumepet, awéan sé enem ngapulu' lumepet, wo awéan sé telu ngapulu' lumepet.”

Matius 13:8

Wo sé lulumbo walina irumongkor an tana' kemel wo mua'. Em bua'na awéan sé sangaatus lumepet, awéan sé enem ngapulu' lumepet, wo awéan sé telu ngapulu' lumepet.

Matius 16:25

Ampa'paan si séi e masalé' lumowir ing katouanna, sia katalaan oka ing katouanna, taan si séi si katalaan ing katouanna ampa'paan Yaku, kéréanna oka eng katouan akar ing kauré-uré.

Matius 19:16

Asi sangando, awéan si esa tuama mai a si Yesus, wo wuéienna, “Guru, sapa si loor e musti émaanku e makéré ing katouan akar ing kauré-uré?”

Matius 25:34

Wo si Toyaang i Tou si tanu Kolano itu kumua oka a sé tou ang kakan-Na, ‘Mayo sumusuto mai kamu sé kinamango i Amang-Ku! Muntepo mai ang Kakolanoan si aitu'tulo ai camu tumo'tolai eng kayo'baan anio' niéma'.

Matius 25:46

Sé tou léwo' anio' ukumen oka an tampa in okoien akar ing kauré-uré, taan sé tou nianggap wutul i Amang Kasuruan makéré oka ing katouan akar ing kauré-uré.’ ”

Matius 5:11

Pakakamangen kamu, sa ampa'paan Yaku kamu ipaséro', paokoien wo patudun am pakasa in léwo'.

Matius 6:33

Anaé, pangérén owo eng Kakolanoan i Amang Kasuruan wo eng kasalé'an-Na, wo pakasa em paperlun iow itu yawes-Na oka ai camu.

Lukas 14:26

“Sa si esa tou uli-ulit kumiit Yaku, sia musti uli-ulit maupus Yaku lumébémai ing kaupusanna a si amangna wo si inangna, a si penanaan i tuama, a sé toyaangna, a sé poo-poowna wéwéné kuma'pa tuama wo ka'i lumébémai ing kaupusanna an owakna in esa. Sa sia ra'ica mengaupus Yaku tanu siitu, sia ra'ica toro mamuali murit-Ku.

Lukas 5:11

Kumawus in itu wésoono i Simon wo sé kara-karapina en londé-londéi ang katanaan wo itela'u éra waya en itu wo kumiit si Yesus.

Lukas 6:22

Pakakamangen kamu sa kamu icasuut é tou, ra'ica wana tou eng kumarapi, kamu ipawawa' é tou wo pawuruken éra e ngaran iow, ampa'paano kamu makiit Yaku, si Toyaang i Tou.

Yohanes 15:19

Sa kamu kaputé éra ra'ica maéman a Yaku, tantu kamu icaupus éra tanu tou makiit iséra. Taan ampa'paan kamu sinisir-Kuo an uner éra, kamu ra'io meputé wo iséra sé ang kayo'baan, ampa'paan in ituo séra masuut icamu.

Yohanes 4:36

Sé tou mengaupu' mato'tolo tumerima in laasana. Séra maumung im bua'na, siituo sé tou sé maémano wo makéré ing katouan akar ing kauré-uré. Anaé, sé tou muras wo sé maupu' mewali-wali maarui.

Kisah Para Rasul 9:16

Ituru'-Ku oka ai sia sapaoka sia meta'up oka ing keli kawenduan ampa'paan kumiit Yaku.”

1 Korintus 2:9

Ang Kitap Le'nas awéan aipatic in tana'i, “Sapa sé ra'ipé' sumangkum ako sinéré é tou, sé ra'ipé' sumangkum ako lininga, sé ra'ipé' sumangkum ako lumembo mai an até, siituo en tinu'tul i Amang Kasuruan a sé tou mengaupus Sia.”

2 Korintus 5:16

Ampa'paan ituo, icami ra'io ka'i numilai sé tou makiit im pakanilai é tou. Indior icami in esa numilai si Kristus makiit im pakanilai é tou, taan intarépé' ra'io ka'i tanu siitu.

Filipi 3:8

Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus,

1 Petrus 4:14

Pakakamangeno kamu, sa kamu iparoros é tou ampa'paan makiit si Kristus, ampa'paano e Roh i rarayo wo in sisiri'-Na ai camuo. Siituo si Roh i Amang Kasuruan.

3 Yohanes 1:7

Ampa'paan am bawayaan éra e mengakua in andumoro' i Yesus Kristus, séra ra'ica tumerima sapa-sapa asé tou owo sé ra'ica makatuus si Casuruan.