Matius 19:27 - En Taar Weru a nunuwu' é Tontemboan

²⁷ Wo icua i Petrus a si Yesus, “Kami anio' itumela'uo im baya-waya wo kami kumiito si Guru. Anaé, sapa réén eng kéréan ami sa?”

Matius 19:27 ပူးပေါင်းရင်းမြစ်များ

Matius 19:26

Wo téintengen i Yesus séra wo icua-Na, “En tou ra'ica makawoo lumowir in owak in esa. Taan si Amang Kasuruan ro'na lumowir waya sé tou ampa'paan em baya-waya ro'na émaan-Na.”

Matius 19:28

Icua i Yesus ai séra, “En ulitna icua-Ku mangé ai camu, ang kayo'baan weru, si Toyaang i Tou lumukut oka am palukutan-Na iparayo-rayo wo pasiri-siriin e makim waya sé tou. An tutuw itu, kamu im baya é murit-Ku lumukut oka ka'i asi sangapulu' rua palukutan pasiri-siriin mewali-wali wo Yaku e makim sé sangapulu' rua suku é Israel.

Matius 9:9

Kekawus in itu si Yesus tumela'u in tampa itu, sérén-Na si esa tou makangaran Matius makalukut an tampa é tou mawér im pajak, wo icua i Yesus ai sia, “Kumiito mai Yaku.” Si Matius ka'i tumulung wo kumiit si Yesus.

Markus 10:28

Wo icua i Petrus a si Yesus, “Kami anio' itumela'uo im baya-waya wo kumiit si Guru!”

Markus 2:14

An tutuw Sia lumangkoi am bitu sérén-Na si Lewi, toyaang i Alfius makalukut an tampa é tou mawér im pajak. Wo icua i Yesus ai sia, “Kumiito mai Yaku.” Kelinga in itu, si Lewi tumulung wo kumiit si Yesus.

Lukas 14:33

Wo icua i Yesus, “Taniitu ka'i kamu, sa kamu masalé' mamuali murit-Ku, weroten owo sumama-sama', sa kamu makawoo tumela'u ing kasiyaan iow kuma'pa ra'ica. Sa kamu ra'ica makawoo, tioo mamuali murit-Ku.”

Lukas 15:29

Taan sinowatnake' taré si amangna, ‘Ta'uno aku mawendu-wendu matawoi wo maselewir a si amang wo ra'ipé' kawisa aku kumélong im perénta i amang, sapao en aiwéé i amang a yaku? Mandé esake' mémbé' teké', ra'ipé' kawisa iwéé i amang a yaku e méma' ing kasalé-salé'an wo sé kara-karapiku!

Lukas 18:28

Wo icua i Petrus, “Tambisa réén wo icami, aitela'u amio waya eng kasiyaan ami wo kumiit si Guru.”

Lukas 5:11

Kumawus in itu wésoono i Simon wo sé kara-karapina en londé-londéi ang katanaan wo itela'u éra waya en itu wo kumiit si Yesus.

1 Korintus 1:29

Wo in taniitu ra'ica wana mandé esake' tou e ro'na rumayo in owakna an dior i Amang Kasuruan.

1 Korintus 4:7

Si séi réén iméma' icamu lumébémai wo sé tou walina? Awéan réén sé mamualio anu miow wo ra'ica asi Amang Kasuruan owo? Pakasa sé anu miow itu asi Amang Kasuruan owo, sa taniitu kéitu réén kamu marayo-rayo in owak tanuoka kéndo' sé mamualio anu miow itu ra'ica aiwéé i Amang Kasuruan?

Filipi 3:8

Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus,