Matius 19:20 - En Taar Weru a nunuwu' é Tontemboan

²⁰ Wo icua i tou wo'bas itu a si Yesus, “Pakasa em perénta itu niéma'kuo waya. Sapapé' sé ra'ipé' niéma'ku?”

Matius 19:20 ပူးပေါင်းရင်းမြစ်များ

Matius 19:19

siriin angé si amang wo si inangmu, wo mengaupus angé sé kakélému tou meputé ko mengaupus in owakmu in esa.”

Matius 19:21

Icua i Yesus ai sia, “Sa ko masalé' mamuali tou makakii-kiit am beren i Amang Kasuruan, mangé iwangkéro waya eng kasiyaanmu, wo iwééo mio' en itu a sé tou lengéi, wo in taniitu kéréanmu oka eng kasiyaan an sorga. Kumawus in itu mayoo wo kumiito mai Yaku.”

Lukas 15:29

Taan sinowatnake' taré si amangna, ‘Ta'uno aku mawendu-wendu matawoi wo maselewir a si amang wo ra'ipé' kawisa aku kumélong im perénta i amang, sapao en aiwéé i amang a yaku? Mandé esake' mémbé' teké', ra'ipé' kawisa iwéé i amang a yaku e méma' ing kasalé-salé'an wo sé kara-karapiku!

Lukas 15:7

Icua-Ku ai camu, taniitu ka'i pakasa sé a mangé en sorga séra maaru-arui oka sa awéan esa tou ang kamesé-meséaan mape'dis. Séra lébé arui ampa'paano i esa tou si mape'diso itu, wotaré sé siow ngapulu' siow tou sé mengaéma'o im butul sé ra'io sangali mape'dis.”

Yohanes 8:7

An tutuw i Yesus pemué-muéian éra, Sia tumulung wo icua-Na ai séra, “Si séike' si an uner iow si ra'ica wana kamesé-meséaan, aweso taré siao eng kumataré mangkil im batu a si wéwéné anio'.”

Roma 7:9

Indior, an tutuwku ra'ipé' makailek in ukum Torat, pawerotenku aku menonou ang karapi in loor. Taan an tutuw kinailekankuo en ukum Torat, eng kamesé-meséaan tumo'tolo menonou an owakku,

Galatia 3:24

Anaé, en ukum Torat makaakin icita akar si Kristus maai. Wo kekawus i Kristus mai, kita ro'na nianggap wutul an dior i Amang Kasuruan ampa'paan maéman a si Kristus.

Filipi 3:6

Yaku incaya' keli an agama Yahudi akar paokoienku sé jamaat sé maéman a si Kristus. Wo yaku wutu-wutul le'tek makiit in ukum Torat akar ra'ica wana tou e ro'na méé kaséaan a yaku andumoro' in itu.