Matius 19:14 - En Taar Weru a nunuwu' é Tontemboan

¹⁴ Taan icua i Yesus a sé murit-Na, “Iwayao mio' sé toyaang itu maai a Yaku! Tioo pepéro-péronen séra, ampa'paan sé tou tanu sé ituo e makaanu ing Kakolanoan in Sorga.”

Matius 19:14 ပူးပေါင်းရင်းမြစ်များ

Matius 11:25

An tutuw itu si Yesus sumombayang, “O Amang Kasuruan si makakawasa in langit wo ing kayo'baan! Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé mengapaké ing kapinteran wo a sé tou pandéi, taan aituru' i Amang a sé tou en aténa tanu toyaangé' teké'.

Matius 18:3

Wo icua-Na ai séra, “En ulitna icua-Ku mangé ai camu, sa kamu masalé' muntep ang Kakolanoan in Sorga, kamu musti mape'dis wo robano mangé em peri miow meputé im peri i toyaang teké' anio'.

Matius 19:15

Kumawus in itu, si Yesus maro ing kama-Na a sé toyaang itu wo isombayang-Na séra. Wo Sia kumesot am bitu.

Matius 5:10

Pakakamangen sé tou paoko-okoien ampa'paan maéma' ing kasalé'an i Amang Kasuruan, ampa'paan sérao e makaanu ing Kakolanoan in Sorga.

Matius 5:3

“Pakakamangen sé tou lengéi an dior i Amang Kasuruan, ampa'paan sérao e makaanu ing Kakolanoan in Sorga.

Markus 10:14

Keséré in itu, icae'bow i Yesus séra wo icua-Na, “Iwayao mio' sé toyaang itu mai a Yaku. Tioo pekala-pekalaan séra, ampa'paan sé tou tanu sé ituo e makaanu ing Kakolanoan i Amang Kasuruan.

Markus 10:15

En ulitna icua-Ku mangé ai camu, si séi si ra'ica sumungkul ing Kakolanoan i Amang Kasuruan tanu sé toyaang teké' anio', sia ra'ica kawisa muntep ang Kakolanoan-Na.”

1 Korintus 14:20

Poo-poow! Tioo em pakawerot iow tanuoka sé toyaangé' teké', wo mamualio toyaang teké' andumoro' ing kaléwo'an. Taan em pakawerot iow musti mamuali tanu in tou wangkoo.