Matius 18:35 - En Taar Weru a nunuwu' é Tontemboan

³⁵ Tanu siitu ka'i en émaan i Amang-Ku an sorga ai camu sa kamu ra'ica lekep en até méé kaampungan a si poow iow.”

Matius 18:35 ပူးပေါင်းရင်းမြစ်များ

Matius 18:34

Wo si colano itu mae'bow keli a si ata itu. Wo isarakanna si ata itu a sé tou matéir im bui wo okoien éra sia akar iwaréngna waya en utangna itu.

Matius 6:12

Wo ampunganai eng kamesé-meséaan ami, kaputé ami ka'i mawéé ing kaampungan a si tou si méma' ing kameséaan ai cami.

Markus 11:25

Sa kamu tumulung en sumombayang, musti ampunganmu owo eng kameséaan i esa tou ai co wosama' si Amang iow an sorga méé oka ka'i kaampungan ang kameséaan iow.” [

Markus 11:26

Taan sa kamu ra'ica mengawéé ing kaampungan a sé tou sé iméma' ing kameséaan ai camu, si Amang iow an sorga ka'i ra'ica méé ing kaampungan ang kameséaan iow. ]

Lukas 16:15

Wo icua i Yesus ai séra, “Kamu mapaturu-turu' kéndo' a sé tou walina sapaoka kamu mengaéma' im butul, taan en até léwo' miow kailekan i Amang Kasuruan. Ampa'paan sapa em paanggapen é tou awéan wééna, nianggap i Amang Kasuruan wutu-wutul ra'ica wana wééna.

Yakobus 2:13

Sa an témponao si Casuruan mai makim sé tou, Sia ra'ica kawisa tumuru' ing kaupusan a sé tou sé ra'ica wana kaupusan a sé tou walina. Taan sé tou mengaupus sé tou walina, séra ra'ica makéré in ukumen asi endo pengaakiman.

Yakobus 3:14

Taan sa en até miow awéan em panganaten wo menonou ang katoronaanke' in owakna in esa, tioo kamu tirayo wo tioo matowo eng kumua sa kamu itu awéan kapinteran asi Casuruan owo, wo in taniitu ra'ica toro sélé'kow iow en sususuien wutul.

Yakobus 4:8

Rumaméjio mangé rumuru a si Amang Kasuruan, wo kamu rurun-Na oka mai. Wu'asanno mio' eng kama miow, éi kamu sé tou iméma' ing kamesé-meséaan! Le'naseno mangé en até miow, éi kamu sé marua-rua até.

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.