Matius 18:3 - En Taar Weru a nunuwu' é Tontemboan

³ Wo icua-Na ai séra, “En ulitna icua-Ku mangé ai camu, sa kamu masalé' muntep ang Kakolanoan in Sorga, kamu musti mape'dis wo robano mangé em peri miow meputé im peri i toyaang teké' anio'.

Matius 18:3 ပူးပေါင်းရင်းမြစ်များ

Matius 13:15

Ampa'paan en até i bangsa anio' kumetéo, en lunteng éra imawengelo, wo em beren aicili'o wutul wosama' em beren éra ra'ica suméré, wo en lunteng éra ra'ica luminga wo en até éra ra'ica makailek, wosama' séra ra'ica maréng sumawel en samaan-Ku.’

Matius 18:2

Wo towan i Yesus si esa toyaang teké'. Iru'du'-Na si toyaang itu tumulung an uner éra.

Matius 18:4

Wo si séi e menonou ko'kos en até wo mamuali tanu si toyaang teké' anio', siao e mangko-wangko' ang Kakolanoan in Sorga.

Matius 19:14

Taan icua i Yesus a sé murit-Na, “Iwayao mio' sé toyaang itu maai a Yaku! Tioo pepéro-péronen séra, ampa'paan sé tou tanu sé ituo e makaanu ing Kakolanoan in Sorga.”

Matius 19:23

Wo icua i Yesus a sé murit-Na, “En ulitna icua-Ku mangé ai camu, susa keli sé tou siya' muntep ang Kakolanoan in Sorga.

Matius 5:18

En ulitna icua-Ku mangé ai camu, ang kauré in da'ipé' maka'pu en langit wo eng kayo'baan anio', esake' urup kuma'pa esake' titik ra'ica kawisa pisin an ukum Torat, sa ra'ipé' imamuali waya.

Matius 5:20

Icua-Ku mangé ai camu, sa ra'ica émaan iow eng kasalé'an i Amang Kasuruan lumébémai asé makailek wutul in Torat wo sé tou Farisi, en ulitna kamu ra'ica kawisa muntep ang Kakolanoan in Sorga.”

Matius 6:16

“Sa kamu mengapuasa, tioo en amo miow susa tanu sé tou punek. En amo éra mapa in susa kéndoon, wosama' sérén é tou sapaoka séra ang karoro'an i mapuasa. En ulitna icua-Ku mangé ai camu, siituo en laasa si kinéréano éra.

Matius 6:2

Anaé, sa kamu méé sapa-sapake' en tumawang sé tou lengéi, tioo ipakua-kua tanu sé pengaémaan é tou punek am balé-walé paapo'an é agama Yahudi wo an lala-lalan wosama' séra irayo é tou. En ulitna icua-Ku mangé ai camu, séra makéréo in laasa éra.

Matius 6:5

“Sa kamu sumombayang, tioo mengasombayang tanu sé tou punek. Séra mengasombayang, casalé' éra makatulung am balé-walé paapo'an wo ka'i am péngko-péngkoran in lalan wangko', wosama' séra sérén é tou. En ulitna icua-Ku mangé ai camu, séra makéréo in laasa éra.

Markus 4:12

wosama' sé aipatic ang Kitap Le'nas mamuali, ‘Mandé sinéré éra taan ra'ica kailekan éra sapa en sinéré. Mandé ka'i lininga éra taan ra'ica kinailekan éra sapa en lininga. Ampa'paano séra taniitu, séra ra'ica mape'dis wo ra'ica makéré ing kaampungan.’ ”

Lukas 13:24

Isowat i Yesus a sé tou am bitu, “Rumaméjio kumiit im papalen pesut. Ampa'paan, icua-Ku ai camu, keli en tou sé rumaméji kumiit am papalen itu taan séra ra'ica icauntep.

Lukas 22:32

Taan aisombayang-Kuo ko é Simon, wosama' ko tatap maéman a Yaku. Kekawus im pangepé'an anio' wo sa ko mape'diso wo maémano sumawel a Yaku, ico musti méé ing kaincayaan a sé poo-poowmu akar em paémanen éra makaketer.”

Yohanes 1:51

Icua ka'i i Yesus, “En ulitna icua-Ku mangé ai camu, sérén iow oka en langit mawuka' wo sé malaékat i Amang Kasuruan sumosor wo meros maai a Yaku Toyaang i Tou.”

Yohanes 3:3

Isowat i Yesus, “En ulitna icua-Ku mangé ai co, sa si esa tou ra'ica touen sumawel sia ra'ica mamuali tou i Amang Kasuruan ang Kakolanoan-Na.”

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Kisah Para Rasul 28:27

Ampa'paan en até i bangsa anio' kumetéo, en lunteng éra imawengelo wo em beren éra aicili'o wutul, wosama' em beren éra ra'ica suméré wo en lunteng éra ra'ica luminga, wo ka'i en até éra ra'ica makailek, wosama' séra ra'ica maréng sumawel en samaan-Ku.’ ”

Kisah Para Rasul 3:19

Ampa'paano in itu, itela'uo mio' eng kaléwo-léwo'an sé pengaémaan iow wo mape'diso mangé wosama' eng kamesé-meséaan iow ampungan i Amang Kasuruan.

1 Korintus 14:20

Poo-poow! Tioo em pakawerot iow tanuoka sé toyaangé' teké', wo mamualio toyaang teké' andumoro' ing kaléwo'an. Taan em pakawerot iow musti mamuali tanu in tou wangkoo.

1 Petrus 2:2

Aweso taré kamu mamualio tanuoka si toyaang si makatoué' wo meré'o-ré'om en sumusu asi inangna, kamu ka'i musti meré'o-ré'- om melep si wutu-wutul susu si nunuwu' i Amang Kasuruan. Ang karapi kamu imelep in itu em paémanen iow a si Amang Kasuruan makawangkoo akar kamu malowir,

2 Petrus 1:11

Wo in taniitu kamu wéan-Na oka kaloasan e muntep ang kakolanoan akar ing kauré-uré, siituo eng kakolanoan i Apo' Yesus Kristus wo Lumolowirta.