Matius 18:20 - En Taar Weru a nunuwu' é Tontemboan

²⁰ Ampa'paan am bisa awéan rua kuma'pa telu tou makali'us ampa'paan maéman a Yaku, Yaku am bitu ang karapi éra.”

Matius 18:20 ပူးပေါင်းရင်းမြစ်များ

Matius 18:21

Kumawus in itu si Petrus mai a si Yesus wo mamuéi, “Tuang, sa si poowku méma' ing kamesé-meséaan a yaku, akar i makapira aku musti méé ampung? Akar i makapitu?”

Matius 28:20

Wo susuiano mangé séra wosama' émaan éra waya sé aiperénta-Ku ai camu. Pena'né-na'néieno mangé, Yaku kasake' ang karapi miow akar ing kaka'puan ing kayo'baan.”

Yohanes 20:19

Asi ari duminggu itu ka'i an tutuw imawengio, sé murit i Yesus mali'us an esa walé. Wo kusiin éra waya em papalen ampa'paan icaindé' éra sé kikiiten é tou Yahudi. Tumarépé'anke' mai si Yesus tumulung an uner éra wo icua-Na, “Eng kaeluran mewali-wali wo icamu.”

Yohanes 20:26

Kekawus i walu ngando, mali'us ka'i sumawel sé murit Yesus am balé itu, wo si Tomas mewali-walio wo iséra. Mandé ka'i pakasa em papalen kinusi', tumarépé'anke' si Yesus mai wo tumulung an uner éra. Icua-Na, “Eng kaeluran mewali-wali wo icamu!”

Yohanes 8:58

Isowat i Yesus ai séra, “En ulitna icua-Ku mangé ai camu, tutuw i Abraham ra'ipé' itumou, Yaku anio' awéano.”

1 Korintus 5:4

An tutuw iow mali'u-li'- us ang karapi i ngaran i Apo' Yesus, anggapeno mio' aku an unero miow wo eng kawasa i Yesus Apo'ta ang karapi miow am bitu.

1 Tesalonika 1:1

Siri'ku Paulus wo sé kara-karapiku si Silas wo si Timotius. En surat anio' aicirim ami ai camu jamaat an Tesalonika, sé maéman a si Amang Kasuruan wo a si Apo' Yesus Kristus. Pangileken ami a si Amang Kasuruan wosama' kamu tambéran-Na mai ing kamang wo méma' ing katouan iow elur.

Filemon 1:2

wo ka'i a si Apfia poowta wéwéné an esa paémanen wo a si Arkhipus karapita si mewali-wali maraméji mengakua andumoro' i Yesus a sé tou. Wo ipatic ka'i a sé jamaat sé mengali'us maapo' am balému.

Wahyu 2:1

Wo icua i Toyaang i Tou a yaku, “Patico mio' a si malaékat si mengatéir in jamaat an Efesus: Si anioo en taar si ai Sia owo si makatimboi sé pitu sumesendot ang kama kakan-Na wo si mawaya' am paawuun é pitu totombol patuliran in sosoloan si niéma a mas owo.

Wahyu 21:3

Wo kalingaanku en suara taangko' keli am palukutan pasiri-siriin itu makua, “Séréno! Intarépé' em paento'an i Amang Kasuruan an unero é tou. Sia mai oka mento' mewali-wali wo iséra, wo séra mamuali oka tou-Na. Sia in esa mewali-wali oka wo iséra, wo mamuali Amang Kasuruan éra.