Matius 18:16 - En Taar Weru a nunuwu' é Tontemboan

¹⁶ Taan sa ra'ica kiimna tumerima in sina'u miow, iwalio mangé esa kuma'pa rua tou mamuali sairi. Ampa'paan ang Kitap Le'nas aipatic, ‘En tumantu si esa tou meséa', musti awéan rua kuma'pa telu tou e mamuali sairi.’

Matius 18:16 ပူးပေါင်းရင်းမြစ်များ

Yohanes 8:17

An atoran-atoran ang kitap Torat aipatic in tana'i: Sa ruao tou e méé kasairian meputé andumoro' in esa perkara, eng kasairian itu wutul.

2 Korintus 13:1

Asi kumatelu anio' woo aku masalé' maai ai camu. Ang Kitap Le'nas aipatic, “Susur in awéan perkara musti awéan kasairian é rua kuma'pa telu tou, wo em perkara itu uli-ulit ro'na percayan.”

1 Timotius 5:19

Sa awéan tou matudu sé penatua an jamaat, ra'ica toro terimanmu em patudunna itu. Taan sa awéan rua kuma'pa telu sairi eng kumeter in tuduan itu, ro'nao terimanmu en tuduan itu wo ro'nao urusenmu si penatua itu.

Ibrani 10:28

Indior, sa awéan tou kumélong in ukum si aiwéé i Musa, wo kineter ka'i ing kasairian é rua kuma'pa telu tou, si tou itu ukumen im patén, wo sia ra'io wana ka'i kaampungan.

Wahyu 11:3

Wéan-Ku oka kawasa a sé rua sairi-Ku e mangé kumua i nunuwuun-Ku ang karapi ing kumarai ing karai mala'lu eng kauréna sangariwu rua ngaatus enem ngapulu' ngando.”