Matius 18:15 - En Taar Weru a nunuwu' é Tontemboan

¹⁵ “Sa si poow iow esa paémanen méma' ing kamesé-meséaan ai camu, lébé loor mangéo icua miow eng kamesé-meséaan si niéma' i poow iow itu. Wo sa pangakun i poow iow eng kamesé-meséaanna, tantu icamu wo isia mensamaano, en iitu tanu kinéréano miow sumawel sia.

Matius 18:15 ပူးပေါင်းရင်းမြစ်များ

Matius 18:14

Taniitu ka'i wo si Amang iow an sorga, ra'ica icasalé'-Na sa esaan asé toya-toyaang teké' anio' icatala ai Sia.”

Matius 18:21

Kumawus in itu si Petrus mai a si Yesus wo mamuéi, “Tuang, sa si poowku méma' ing kamesé-meséaan a yaku, akar i makapira aku musti méé ampung? Akar i makapitu?”

Matius 18:35

Tanu siitu ka'i en émaan i Amang-Ku an sorga ai camu sa kamu ra'ica lekep en até méé kaampungan a si poow iow.”

Roma 12:21

Anaé, kamu tioo kalan ing kaléwo-léwo'an. Taan kalano mangé eng kaléwo-léwo'an itu ang karapi ing kaloo-looran!

1 Korintus 8:12

Sa kamu méma' ing kamesé-meséaan tanu siitu a sé poo-poow iow esa paémanen, kamu iméla'o in até weresi éra sé ra'ipé' keter em paémanen, icamu iméma'o ing kamesé-meséaan an dior i Kristus.

2 Korintus 7:12

Anaé, mandé ka'i aipatickuo en surat itu, ipaticku ra'ica ampa'paan i tou meséa'. Ra'ica ka'i ampa'paan i tou mawendu ampa'paano ing kaséaan itu. Ipaticku en surat itu wosama' an dior i Amang Kasuruan, pendamen iow in esa sapaoka kamu uli-ulit meméé-méé rékén ai cami.

Galatia 6:1

Poo-poow, sa si esa tou an uner iow kinakailekan méma' ing kaséaan, kamu sé menonou pakaakinen i Roh Le'nas, musti akinen iow si tou itu an lalan wutul ang karapi ing ko'kos en até. Wo téirano en owak iow in esa wosama' ra'ica katawéran im pangepé'an kaputé i tou méma' ing kaséaan itu.

Kolose 3:13

Sa awéan tou e méma' ing kaséaan ai camu, ituru'o mangé eng katalesenan iow a si tou itu wo sa awéan ai camu si menii-niim in léwo' membém-béan angé ing kaampungan. Tanu si Casuruan mééo ing kaampungan ai camu, mengaéma'o mangé tanu siitu.

1 Tesalonika 4:6

Andumoro' in ubungan iow mempenanaan, tioo kamu mengauwak kuma'pa mengaéma' ing kaséaan a sé poo-poow iow. Ampa'paan ukumen i Amang Kasuruan sé tou mengaéma' in tanu siitu, puté wo sé aicuao ami wo sé wutu-wutul aipokéi ami ai camu indior.

2 Tesalonika 3:15

Taan tioo anggapen iow sia itu kaséké'. Aweso taré' sina'uen angé sia itu tanu poow iow in esa.

Titus 3:10

Musti ka'i romaanmu mangé si tou maéma' ing kapetanéan an jamaat. Sa makaruao sina'uenmu sia wo ra'ica kiimna luminga, tioo ko mekarapi wo isia.

1 Petrus 3:1

Éi wéwéné sé kinawéngo, kamu musti male'te-le'tek angé a sé penanaan iow, wosama' sa awéan penanaan sé ra'ica maéman in Taar i Amang Kasuruan, mandé kamu ra'ica rumoma' in Taar itu ai séra, séra ro'na maéman a si Amang Kasuruan, ampa'paan séra suméréo ing katouan iow loor.