Matius 18:10 - En Taar Weru a nunuwu' é Tontemboan

¹⁰ “Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

Matius 18:10 ပူးပေါင်းရင်းမြစ်များ

Matius 1:20

Taan ang karoro'an i Yusuf memero-merot im basana itu wo mai si malaékat i Casuruan mapaturu' am pinangipina wo kumua, “Yusuf, taranak i Daud, tioo ko maindé' mindo si Maria mamuali penanaanmu ampa'paan si toyaang am pootna itu asi Roh Le'nas owo.

Matius 12:20

En saraw imeku' ra'ica lala'usen-Na in lumentu', wo en embung in sosoloan si mape'delo ra'ica lala'usen-Na i me'del, akar Sia muntung wo méé tuus sapaoka Sia ra'ica marapit.

Matius 18:14

Taniitu ka'i wo si Amang iow an sorga, ra'ica icasalé'-Na sa esaan asé toya-toyaang teké' anio' icatala ai Sia.”

Matius 18:6

“Sa awéan tou iméma' esaan asé toyaang teké' tanu si anio' sé maémano a Yaku akar sé toyaang itu méma' ing kamesé-meséaan, aweso taré eng kolot i tou itu wa'kesan im batu wangker wo itinep an ta'sic.

Matius 2:13

Kewaréng angé é tou majus itu, mapaturu' mai si malaékat i Amang Kasuruan am pangipi i Yusuf wo kumua, “Tumooro, indono si Toyaang itu ang karapi i inang-Na, sumingkiro mangé a Mesir wo mentoo a mangé mbitu akar Aku numuwu' ka'i ai co. Ampa'paan pangérén oka i Herodes si Toyaang itu e maté Sia.”

Matius 2:19

An tutuw i Herodes maté, si malaékat i Amang Kasuruan mapaturu' mai am pinangipi i Yusuf a mangé Mesir.

Matius 24:31

Wo iru'du'-Na oka sé malaékat-Na kumesot sumengo in trompét taténgé keli, wo ipapali'us-Na ai séra pakasa sé tou sé sinisir-Nao am bisa-wisake' asi kayo'baan anio' tumo'tol asi tempok in langit akar asi tempok in langit.

Lukas 1:19

Wo isowat i malaékat itu, “Yaku anio' si Gabriel si maselewir si Amang Kasuruan. Sia e rumu'du' mai yaku eng kumua in abar loor anio' ai co.

Lukas 10:16

Wo icua ka'i i Yesus a sé tou sé makiit Sia, “Si séi en luminga icamu sia luminga Yaku. Wo si séi eng kumélong icamu sia kumélong Yaku. Wo si tou kumélong Yaku, sia ka'i kumélongo si Amang Kasuruan si mutusai Yaku.”

Lukas 16:22

Wo si Lazarus itu maté wo sia iwali mangé é malaékat lumukut an diit i Abraham an sorga. Si tou siya' itu ka'i maté wo sia cubur é tou.

Kisah Para Rasul 10:3

Asi makasa, wona' jam tiga im bawaando an oras i masombayang, si Kornelius pinapaturu'an am baléna. Asi témpo itu, kaséréanna wutul si esa malaékat i Amang Kasuruan imai ai sia wo tumowa, “Kornelius!”

Kisah Para Rasul 12:15

Taan séra asalo isumowat ai sia, “Ra'io wona' lekep ko!” Taan si ata itu kasake' kumua sapaoka si Petrus wutu-wutul am bitu. Icua éra ka'i, “Sia si malaékat matéir si Petrus.”

Kisah Para Rasul 12:23

Asi témpo ituke' si Herodes sepéén i malaékat i Casuruan ampa'paan sia ra'ica rumayo si Amang Kasuruan. Wo en owakna kanen é uler akar i maté.

Kisah Para Rasul 27:23

Ampa'paan, kawengi si Amang Kasuruan si paapo'anku wo si makaanu yaku, rumu'du' mai si malaékat-Na mai tumulung an duruku.

Kisah Para Rasul 5:19

Taan asi wengi ituke', si malaékat i Casuruan mai muka' im papalen-papalen im bui wo makawali iséra kumesot. Wo icua i malaékat itu,

Roma 14:10

Anaé, tioo kamu mengawéé ing kaséaan a sé poo-poow an esa paémanen. Wo tioo kamu maséro' a sé poo-poow an esa paémanen. Ampa'paan kita im baya mai tumulung oka an dior i Amang Kasuruan en akimen asi endo kaka'puan ing kayo'baan.

Roma 14:21

Aweso taré kamu tioo mengakan in sama'na, kuma'pa mengaelep anggor, kuma'pa mengaéma' sapake' mangé sa en itu méma' si poow an esa paémanen meséa'.

Roma 15:1

Kita sé ketero em paémanen, musti talesen a sé tou sé ra'ipé' keter em paémanen. Tioo kita mangéré-ngéréke' ing kaaruianta in esa.

1 Korintus 11:22

Ra'ica réén wana walé kamu, si pakanan wo paelepan iow? Kuma'pa masalé' réén kamu maséro' sé jamaat i Amang Kasuruan wo mapalawi' ka'i sé tou lengéi? Sapapé' en icuaku ai camu? Irayoku réén kamu? Andumoro' sé anio', aku ra'ica rumayo icamu.

1 Korintus 16:11

Anaé, tioo awéan tou kumo'kos sia. Wo sa sia imaréngo mai a yaku, tawangeno mangé sia wosama' sia maréngai ang karapi in lowir. Entoonku sia maai ang karapi é poo-poow walina.

1 Korintus 9:22

An tutuwku an uner é tou ra'ipé' keter em paémanen, émaanku ka'i en owakku meputé wo iséra, wosama' aku ro'na maakin iséra a si Kristus. Niéma'kuo en owakku meputé wo sé pakasa in tou sé paselewiranku wo lalan sapake' mangé en itu, émaanku, en lumowir piraan tou ai séra.

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 10:10

Ampa'paan awéan e makua “E nunuwu' i Paulus an surat-suratna repet keli wo uter, taan sa sia an unerta em perina ra'ica tanu si an surat wo e nunuwu'na ra'ica wana en torona.”

Galatia 6:1

Poo-poow, sa si esa tou an uner iow kinakailekan méma' ing kaséaan, kamu sé menonou pakaakinen i Roh Le'nas, musti akinen iow si tou itu an lalan wutul ang karapi ing ko'kos en até. Wo téirano en owak iow in esa wosama' ra'ica katawéran im pangepé'an kaputé i tou méma' ing kaséaan itu.

1 Tesalonika 4:8

Ampa'paan in itu, si séike' si ra'ica kiim tumerima in sususuien anio', sia itu ra'ica asaloke' kumélong sé tou, taan kumélongo si Amang Kasuruan si mééo mai i Roh Le'nas ai camu.

1 Timotius 4:12

Tioo iwayamu sé tou maepes im beren ai co ampa'paan ko wo'basé'. Taan émaano mangé en owakmu mamuali paandéan an uner é tou maéman, am pakanuwu'mu, am perimu, ang kaupusanmu a sé tou walina, ang kale'tekanmu wo ang kale'nasanmu a si Casuruan.

Ibrani 1:14

Sa taniitu, si séi réén sé malaékat itu? Séra sé roh mengaéma' sapa sé airu'du' i Amang Kasuruan, sé ayutus-Na en tumawang sé tou sé makéré oka ing kalowiran.

Ibrani 9:24

Si Kristus ra'ica imuntep ang Kamar Lume'na-le'nas ang kayo'baan si niéma' ing kama in tou si asalo bayangan a si patron aseli si an sorga. Taan Sia muntep an sorga, wo intarépé' Sia a mangé em bitu makasaru si Amang Kasuruan torona icita.

Wahyu 8:2

Wo sérénku sé pitu malaékat sé makatulung an dior i Amang Kasuruan, séra si esa wo si esa winéan esa terompét.