Matius 17:3 - En Taar Weru a nunuwu' é Tontemboan

³ Wo kaséréan éra si Musa wo si Elia memaa-maar ang karapi i Yesus.

Matius 17:3 ပူးပေါင်းရင်းမြစ်များ

Matius 17:2

Wo sérén éra si Yesus imawalinao. Eng gio-Na matélang meputé wo in sendot i yéndo, wo eng karai-Na imakulo' masélap tanu in sendot.

Matius 17:4

Wo icua i Petrus a si Yesus, “Tuang, arui keli kami an tampa anio'. Sa icasalé' i Tuang, itoorku oka telu ténda am bia. Si esa torona i Tuang, si esa si Musa wo si esa ka'i si Elia.”

Markus 9:4

Wo mapaturu'o mai ai séra si Elia wo si Musa memaa-maar ang karapi i Yesus.

Lukas 1:17

Wo isia en dior maai wo si Casuruan en tumu'tul in lalan em paaian i Casuruan. Em perina wo eng kawasana sa, meputé wo si nabi Elia indior. Wo sia maai e méma' sé ama-amang meeluran wo sé toyaang éra wo sé tou ra'ica le'tek a si Casuruan maréng sumawel maéma' im butul an dior i Casuruan. Tanu siituo si Yohanes tumu'tul in até é tou en sumungkul si Casuruan maai.”

Lukas 16:16

Eng kitap-kitap sé aipatic i Musa wo eng kitap-kitap sé aipatic é nabi walina, tatap pengapakéné' akar an jaman i Yohanes Mabaptis menonoué'. Wo tumo'tolai an jaman itu en Abar Kaaruien andumoro' ing Kakolanoan i Amang Kasuruan tumo'tolo ipakua-kua wo sé tou uli-ulit rumaméji mamuali tou-Na ang Kakolanoan-Na.

Lukas 24:27

Wo isisil-Na waya ai séra in dua sapa sé aipatic am pakasa ing Kitap Le'nas andumoro' in owak-Na, tumo'tolai ang kitap-kitap aipatic i Musa akar ang kitap-kitap aipatic é nabi walina.

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Lukas 9:33

An tutuw é rua tou itu tumela'uo woo si Yesus wo icua i Petrus a si Yesus, “Guru, arui keli kami asi tampa anio'. Lébé loor itoor ami telu ténda. Esa torona i Guru, esa torona i Musa wo si esa ka'i torona i Elia.” Taan ra'ica kailekan i Petrus sapa en aicuana itu.

Yohanes 1:17

Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.