Matius 17:20 - En Taar Weru a nunuwu' é Tontemboan

²⁰ Wo isowat i Yesus ai séra, “Kamu ra'ica makawoo musér si sétang itu ampa'paan kamu ra'ica mauli-ulit maéman. En ulitna icua-Ku mangé ai camu, sa kamu uli-ulit maéman, mandé em paémanen iow waya ka'i in sangatekic puté im batuna tumeki-tekic, kamu ro'na rumu'du' si kuntung anio', ‘Icaérao mangé!’, tantu eng kuntung itu icaéra oka. Anaé, pakasa ro'na émaan iow, sa kamu uli-ulit maéman. [

Matius 17:20 ပူးပေါင်းရင်းမြစ်များ

Matius 13:31

Wo isisil ka'i i Yesus esa andéan walina ai séra, icua-Na, “Eng Kakolanoan in Sorga ayandé tanu im batuna si tumeki-tekic, niindo i esa tou wo mangé yusewna an umana.

Matius 14:29

Icua i Yesus, “Mayoo!” Wo si Petrus si an londéi, tumumpa wo maya' am bawo in dano maangé a si Yesus.

Matius 17:17

Wo icua i Yesus, “Éi camu tou léwo' wo tou ra'ica maéman! Akar kawisa réén Aku musti mewali-wali wo icamu? Wo akar kawisa Aku musti talesen ai camu? Paalino mai si toyaang itu!”

Matius 17:19

Kumawus in itu, sé murit i Yesus sumusut ai Sia. An tutuw waya oka séra wo si Yesus en am bitu, wo wuéien éra, “Guru, kéitu réén ra'ica kawooan ami musér si sétang itu?”

Matius 17:9

An tutuw éra maperos ing kuntung, icua i Yesus ai séra, “Ra'ipé' toro icua miow a sé tou walina sapa en sinéré miow tarépé'! Icua oka miow en itu sa si Toyaang i Tou tumouo sumawel an uner é tou imaté.”

Matius 21:21

Isowat i Yesus ai séra, “En ulitna icua-Ku mangé ai camu, sa kamu mercaya wo ra'ica marua-rua wasa, kamu ro'na iméma' tanu si niéma'-Ku asi tuur in ara itu. Wo ro'na ka'i peréntan iow si tolaina anio', ‘Icaangkaio wo icawangkilo mangé an ta'sic!’, tantu en itu mamuali oka.

Matius 8:26

Icua-Na ai séra, “Kéitu réén kamu maindé', éi camu sé ra'ipé' talos maéman?” Wo si Yesus tumulung wo peréntan-Na en deges wo en lour itu, akar en lour wutu-wutul malener.

Markus 11:22

Wo isowat i Yesus ai séra, “Maémano mangé a si Amang Kasuruan.

Markus 11:23

En ulitna icua-Ku mangé ai camu, si séike' mangé eng kumua a si cuntung anio', ‘Icaangkaio wo icawangkilo an ta'sic!’ Asalo en aténa ra'ica marua-rua wasa taan uli-ulit maéman sapaoka en aicuana itu mamuali oka, en itu tantu mamuali oka.

Markus 4:31

Eng Kakolanoan i Amang Kasuruan ayandé tanu im batuna si tumeki-tekic aiwuras an tana'. Si watuna anio' si tumeki-tekic asé pakasa im batuna si ang kayo'baan.

Markus 9:23

Isowat i Yesus, “Kéitu réén ko kumua sa Aku ro'na? Pakasa ro'na mamuali a sé tou maéman!”

Lukas 1:37

Ampa'paan sapake' en casalé' i Amang Kasuruan, en itu tantu mamuali.”

Lukas 17:6

Wo isowat i Apo' Yesus, “Sa kamu maéman mandé ka'i em paémanen iow itu tanuke' im batuna si tumeki-tekic, kamu ro'na merénta in tuura in ara anio' makémbut wo causew an ta'sic, tantu en tuura anio' kumiit im perénta miow.”

Lukas 18:27

Isowat i Yesus, “Si tou ra'ica kawisa lumowir in owakna in esa, taan si Amang Kasuruan ro'na lumowir sé tou.”

Yohanes 11:40

Icua i Yesus, “Ra'ica réén aicua-Kuo ai co tarépé'? Sa percayanmu, sérénmu oka eng kawangko' ing kawasa i Amang Kasuruan.”

1 Korintus 12:9

Winéan ka'i i Roh kamang aitambér a si esa tou e mauli-ulit maéman a si Yesus Kristus. Wo si Roh meputé ka'i méé mai kamang aitambér en sumama' sé tou walina.

1 Korintus 13:2

Mandé ka'i aku tinambéranai ing kamang eng kumua in taar i Amang Kasuruan, makailek im pakasa sé paene-enep, makaanuo waya ing kakailekan, wo makaanu im paémanen lumeke-lekep e ro'na méra ing kuntung, taan sa aku ra'ica mengaupus sé tou walina, yaku uli-ulit ra'ica wana torona.

Ibrani 3:19

Intarépé' kaangéantao sapaoka sé apo-apo'ta indior ra'ica ro'na muntep asi tampa pengaenaan i Amang Kasuruan, ampa'paan séra ra'ica maéman ai Sia.