Matius 17:2 - En Taar Weru a nunuwu' é Tontemboan

² Wo sérén éra si Yesus imawalinao. Eng gio-Na matélang meputé wo in sendot i yéndo, wo eng karai-Na imakulo' masélap tanu in sendot.

Matius 17:2 ပူးပေါင်းရင်းမြစ်များ

Matius 17:1

Wo kelangkoi angé in enem ngando, iwali i Yesus si Petrus wo sé rua metuari si Yakobus wo si Yohanes sumosor am puruk in esa kuntung rangka'. Am bitu waya iséra in telu ang karapi i Yesus.

Matius 17:3

Wo kaséréan éra si Musa wo si Elia memaa-maar ang karapi i Yesus.

Matius 28:3

En amona masendot tanuoka télang ing kilat, wo eng karaina kulo' tanuoka in salju.

Markus 9:3

wo en juba-Na imakuloo keli menéla-nélap. Ang kayo'baan anio', ra'ica wana tou e makawoo kumemes ing karai akar i makulo' tanu ing kakulo' im pekaraien-Na itu.

Lukas 9:29

Wo ang karoro'an i Yesus masombayang ang kuntung itu, en amo-Na imawalinao wo eng karai-Na imakuloo menéla-nélap.

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Yohanes 17:24

O Amang, icasalé'-Ku wosama' sé tou sé aisarakan i Amang a Yaku awéan mewali-wali wo Yaku asi tampa angéan-Ku. Icasalé'-Ku taniitu wosama' ro'na kaséréan éra e rarayo wo en sisiri'-Ku, siituo e rarayo wo en sisiri' si aiwééo i Amang a Yaku ampa'paan si Amang mengaupuso Yaku an tutuw ra'ipé' niéma' eng kayo'baan anio'.

Roma 12:2

Tioo pakiiten iow em peri é tou sé ra'ica makatuus i Amang Kasuruan. Taan iwayao mio' em pakawerot iow werun i Amang Kasuruan wosama' em pakawerot iow mawalina. Wo in taniitu ro'na kakailekan iow eng kasalé'an-Na: siituo sé loor wo lekep, wo si mengaéma' in até-Na arui.

Wahyu 10:1

Wo sérénku si esa malaékat walina si kumete-keter tumumpa mai an sorga owo. En owakna pakasaputen ing kambung, wo awéan limbawa an dangka' in do'kosna. Eng giona tanuoka si yéndo wo eng kécéina tanuoka totombol in api.

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.