Matius 17:17 - En Taar Weru a nunuwu' é Tontemboan
17 Wo icua i Yesus, “Éi camu tou léwo' wo tou ra'ica maéman! Akar kawisa réén Aku musti mewali-wali wo icamu? Wo akar kawisa Aku musti talesen ai camu? Paalino mai si toyaang itu!”
An tutuw kinailekan i Yesus sapa em pemaa-maaren éra, wo icua-Na, “Kéitu réén ipapaar iow andumoro' in da'ica wana roti? Éi camu sé tou ra'ipé' talos maéman!
Sa en dukut am pangumaan asi endo anio' awéan taan woondona mai tiya' an api, taan piniara wo niéma' i Amang Kasuruan pasung. Ra'ica réén icamu en émaan-Na lébé pasung, éi tou sé ra'ipé' talos maéman?
Icua-Na ai séra, “Kéitu réén kamu maindé', éi camu sé ra'ipé' talos maéman?” Wo si Yesus tumulung wo peréntan-Na en deges wo en lour itu, akar en lour wutu-wutul malener.
Ang kasiwakanna, si Yesus mapaturu' in owak-Na a sé sangapulu' esa murit-Na. An tutuw itu séra ang karoro'an i makan. Wo romaan-Na séra ampa'paan ing kaketéan in até éra wo ra'ica mercaya a sé tou sé isuméréo Sia itumou sumawel.
Wo icua i Yesus ai séra, “Éi camu sé tou ra'ica maéman, akar kawisa réén Aku musti mento' an uner iow? Wo akar kawisa réén Aku talesen ang karapi miow? Iwalio mai si toyaang itu am bia'i!”
Wo icua i Yesus, “Éi camu tou ra'ica maéman wo icasélé'kowo! Akar kawisa réén Aku musti mento' ang karapi miow wo talesen mengento-ngento' akar kamu maéman a Yaku?” Wo icua i Yesus a si amang itu, “Walio mai si toyaangmu itu!”
Wo icua-Na a si Tomas, “Iweta'o mai en tuturu'mu am bia'i wo séréno mai eng kama-Ku. Yuluro mai eng kamamu wo itopoko mai am petic-Ku. Tioo ka'i ko ra'ica mercaya, taan percayano mai!”
Wo séra menonou an tana' kapayasan epat ngapulu' ngata'- un eng kauréna. Am bitu em peri ing katouan éra ra'ica makiit ing kasalé'an i Amang Kasuruan. Taan Sia kasake' talesen ai sera.
Keliané' ka'i en aicua i Petrus ai séra. Sia masairi ka'i wo méé kaketeran an até éra, icuana, “Iwééo mio' en owak iow lowiren i Casuruan, tioo kumiit sé tou intarépé' sé mengéma-ngéma' in léwo'.”
Yaku masalé' rumayo toyo' in owakku mandé en itu tanuoka im paémaan é tou bodok, anaé pekiupusenku ai camu wosama' lumesen toyo' luminga sé icuaku. Ulit kamu taloso talesen a yaku!