Matius 17:1 - En Taar Weru a nunuwu' é Tontemboan

¹ Wo kelangkoi angé in enem ngando, iwali i Yesus si Petrus wo sé rua metuari si Yakobus wo si Yohanes sumosor am puruk in esa kuntung rangka'. Am bitu waya iséra in telu ang karapi i Yesus.

Matius 17:1 ပူးပေါင်းရင်းမြစ်များ

Matius 17:2

Wo sérén éra si Yesus imawalinao. Eng gio-Na matélang meputé wo in sendot i yéndo, wo eng karai-Na imakulo' masélap tanu in sendot.

Matius 26:37

Wo iwali i Yesus si Petrus wo sé rua toyaang i Zebedeus kumiit ang karapi-Na. Sia tumo'tolo mapendam im bendu wo ra'io makaaté in sama'.

Markus 13:3

Kumawus in itu, si Yesus wo sé murit-Na mangé an Tolaina in Zaitun wo Sia lumukut sumaru mako im Balé Le'nas. Wo si Petrus, si Yakobus, si Yohanes wo si Andreas rumuru mangé ai Sia wo séra tumané e mepaar wo mamuéi ai Sia,

Markus 5:37

Wo ra'ica kiim i Yesus keli en tou eng kumiit Sia, Sia asalo imakawali si Petrus, si Yakobus, wo si Yohanes si tuari i Yakobus.

Lukas 8:51

Icateka'o mangé am balé i Yairus, ra'ica iwéé i Yesus sé tou walina muntep, aluar si Petrus, si Yohanes, si Yakobus wo si amang wo si inang i toyaang itu.

2 Korintus 13:1

Asi kumatelu anio' woo aku masalé' maai ai camu. Ang Kitap Le'nas aipatic, “Susur in awéan perkara musti awéan kasairian é rua kuma'pa telu tou, wo em perkara itu uli-ulit ro'na percayan.”

2 Petrus 1:16

Aisusuio ami ai camu andumoro' ing kawasa i Apo'ta Yesus Kristus wo andumoro' ka'i Sia maai sumawel. Sapa sé aisusui ami itu ra'ica sisisilen sé asalo niéma' é tou, ampa'paan icamio in esa en suméré ing kawangko'-Na.

2 Petrus 1:18

En suara lininga ami itu a mangé en sorga owo, an tutuw kami mewali-wali wo si Yesus am puruk ing kuntung le'nas.