Matius 16:27 - En Taar Weru a nunuwu' é Tontemboan

²⁷ Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 16:27 ပူးပေါင်းရင်းမြစ်များ

Matius 13:41

Iru'du' oka i Toyaang i Tou sé malaékat-Na wo li'usen éra oka ang Kakolanoan-Na pakasa sé imangémai sé tou mengaéma' ing kamesé-meséaan wo pakasa en tou sé mengaéma' ing kaléwo'an.

Matius 13:49

Taniitu ka'i an endo kaka'puan ing kayo'baan: Maai oka sé malaékat en tumané sé tou léwo' wo sé tou wutul.

Matius 24:30

An tutuw itu, an langit kaséréan oka awéan tuus i Toyaang i Tou, wo pakasa sé bangsa ang kayo'baan maamé' oka. Séra suméré oka si Toyaang i Tou itu mai an dangka' ing kambung-kambung ang karapi waya ing kawasa wo ing kawangko'-Na.

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Matius 26:64

Wo isowat i Yesus, “Si Amango in esa en cumua in itu. Taan icua-Ku ai camu, tumo'tol asi oras anio' kaséréan iow oka si Toyaang i Tou makalukut ang kakan i Makakawasa, wo mai ang kayo'baan an dangka' ing kambung-kambung an langit.”

Matius 8:20

Icua i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Markus 14:62

Wo isowat i Yesus, “Yakuo Sia. Kaséréan iow oka si Toyaang i Tou makalukut ang kakan i Makakawasa, wo mai an dangka' ing kambung-kambung an langit.”

Markus 8:38

Ampa'paan si séike' mangé e malawi' ampa'paan Yaku wo in sususuien-Ku an dior é tou sé ra'ica le'tek wo keli kamesé-meséaan anio', si Toyaang i Tou ka'i malawi' oka mangaku si tou itu an tutuw-Na maai ang kawasa wangko' i Amang-Na, mewali-wali wo sé malaékat le'nas.”

Lukas 21:27

Asi témpo itu sérén oka é tou si Toyaang i Tou mai ang kayo'baan pakasaputen ing kambung. Sia mai ang karapi pakasa ing kawasa wo ing kawangko'-Na.

Lukas 22:69

Taan tumo'tol asi oras anio' si Toyaang i Tou lumukut oka ang kakan i Amang Kasuruan si Makakawasa.”

Lukas 9:26

Ampa'paan si séike' e malawi' ampa'paan Yaku wo in sususuien-Ku, si Toyaang i Tou ka'i malawi' oka isia an tutuw-Na maai sumawel ang karapi ing kawasa wangko'-Ku wo ing kawasa wangko' i Amang-Ku wo sé malaékat le'nas.

Yohanes 21:22

Isowat i Yesus ai sia, “Sa icasalé'-Ku sia menonouke' melala'us akar Aku maai sumawel, en itu ra'ica urusanmu. Taan ko kumiito mai Yaku.”

Yohanes 21:23

Ampa'paano i nunuwu' i Yesus itu, akar icaseraro en abar a sé poo-poow itu sapaoka si murit itu ra'ica maté. En ulitna si Yesus ra'ica icumua sapaoka si murit itu ra'ica maté, taan aicua-Na, “Sa icasalé'-Ku sia imenonouke' melala'us akar Aku maai sumawel, en itu ra'ica urusanmu.”

Kisah Para Rasul 1:11

Wo icua é rua tou itu ai séra, “Éi tou Galilea, kéitu réén kamu makatulung wo makakanaté' mangé an langit? Si Yesus anio' icaangkaio mangé an sorga tumela'uo icamu. Sia maai oka ka'i sumawel, meputé kamu suméré tumambisa Sia icaangkai angé an sorga.”

Roma 14:12

Anaé, kita si esa wo si esa musti méé panowaten a si Amang Kasuruan andumoro' im pakasa sé niéma'tao.

Roma 2:6

Suliin-Na oka sé tou, iciit im pinengaéma' éra si esa wo si esa.

1 Korintus 15:23

Taan esa wo si esa touen sumawel kumiit in urutan: kataré si Kristus si tinouo sumawel tanu jaminan ai cita. Wo an tutuw Sia maai sumawel, gilirano é tou-Na en touen.

1 Korintus 3:13

En tawoien é tou si esa wo si esa kaséréan oka an tutuw i Kristus maai sumawel. Ampa'paan asi endo itu, api oka e méma' in tinawoi é tou si esa wo si esa kaséré-séréan. En api oka e muji wo en tumuru' sé tinawoi éra itu loor kuma'pa ra'ica.

1 Korintus 8:8

En ulitna, eng kakanen ra'ica méma' icita makatawi kuma'pa makatayang a si Amang Kasuruan. Mandé ka'i kita ra'ica kuman ing kakanen si airagéso a sé opo-opo', kita ra'ica marugi. Taniitu ka'i mandé kita kuman ing kakanen itu, kita ra'ica muntung.

2 Korintus 5:10

Ampa'paano icita im baya uli-ulit sumaru oka an dior i Kristus in akimen wo iesa wo esa tou makéré oka in susuli' kumiit sapa sé pinengaéma'na ang kauré menonou asi kayo'baan anio', loor kuma'pa léwo'.

Efesus 6:8

Ampa'paan kailekano miow sapaoka sé tou mengaéma' ing kalooran, mandé ka'i sia ata kuma'pa tou ra'ica pakakawasan é tou walina, tantu makéré oka in susuli' asi Casuruan.

Kolose 3:25

Si séike' e méma' ing kameséaan, pamuléngenna oka eng kameséaanna itu. Ampa'paan si Casuruan ra'ica masisir in tou.

1 Tesalonika 1:10

Pengasisil éra ka'i en andumoro' tambisa kamu mengento-ngento' si Toyaang i Amang Kasuruan maai a mangé en sorga owo. Siao si Yesus, si tinou-Na sumawel am papaté. Si Yesus itu ka'i en lumowir icita sé maéman ai Sia an ukuman i Amang Kasuruan sa.

1 Tesalonika 4:16

Sa Sia maayo, awéan oka esa perénta an sorga kumua in taangko', si Kikiiten é malaékat mangko' repet wo en terompét i Amang Kasuruan tuméngé. Asi témpo ituo si Apo' Yesus tumumpa mai a mangé en sorga owo, wo sé tou maéman ai Sia sé matéo, séra en dior touen sumawel.

Yakobus 5:7

Ampa'paan in ituo é poo-poow, malese-leseno mangé kamu akar si Apo' Yesus maai sumawel. Séréno tambisa si tou menganguma talesen keli mengento-ngento' in uran an oras i mausew wo an oras in tinanem mua'. Sia talesen mengento-ngento' im buéna si awéan em bééna asi tana'na itu.

1 Petrus 1:17

An tutuw iow mengasombayang a si Amang Kasuruan, Sia patuulen iow “Amang”. Siao e maakim sé tou kumiit im pinengaéma'na, ra'ica maséré ing gio. Ampa'paano in itu, siriino mangé Sia ang kauré miow menonou asi kayo'baan anio' tanu tou sé asalo imanangkéi.

1 Yohanes 2:28

Anaé intarépé', toya-toyaangku, menonouo mangé meesa wo si Kristus, wo in taniitu, kita ra'ica oka maindé' wo ra'ica malawi' meta'up wo Sia an tutuw-Na maai sumawel.

Yudas 1:14

Awéan si taranak kapitu i Adam makangaran Henokh, sia kumua i nunuwu' i Amang Kasuruan andumoro' sé tou itu. Icuana in tana'i, “Si Casuruan maai oka ang karapi é mariwu-riwu malaékat le'nas.

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.

Wahyu 20:12

Wo kaséréanku sé tou sé pasiri-siriin wo sé tou ra'ica pasiri-siriin sé imatéo, séra makatulung an dior im palukutan pasiri-siriin itu. An tutuw itu pakasa eng kitap winuka', wo winuka' ka'i eng kitap walina siituo eng kitap ing katouan. Wo sé tou imatéo akimen kumiit im pinengaéma' éra si aipatico asé kitap itu.