Matius 16:24 - En Taar Weru a nunuwu' é Tontemboan

²⁴ Wo icua i Yesus a sé murit-Na, “Si séike' e masalé' kumiit Yaku, sia musti sumangkal in owakna, muléng in salipna wo kumiit Yaku.

Matius 16:24 ပူးပေါင်းရင်းမြစ်များ

Matius 10:38

Si séike' ra'ica muléng in salipna in esa wo ra'ica kumiit Yaku, sia ra'ica patus mamuali tou-Ku.

Matius 27:32

An tutuw éra imawaya' kumesot in Yerusalem, ipesungkul éra si esa tou Kirene makangaran Simon. Wo leséén é suraro sia muléng in salip i Yesus.

Markus 10:21

Taan téintengen i Yesus sia ang karapi ing kaupusan wo icua-Na, “Awéané' esa si ra'ipé' niéma'mu. Mangé iwangkéro waya eng kasiyaanmu, wo iwééo mio' a sé tou lengéi, wo in taniitu kéréanmu oka eng kasiyaan an sorga. Kumawus in itu, mayoo wo kumi- ito mai Yaku.”

Markus 15:21

An tutuw itu, séra meta'up wo si esa tou makangaran Simon. Sia tou Kirene, amang i Aleksander wo si Rufus. Sia meunte-untepé' mangé ing kota Yerusalem wo leséén é suraro sia muléng in salip i Yesus.

Markus 8:34

Wo towan i Yesus sé tou keli wo sé murit-Na, icua-Na ai séra, “Sa awéan tou e masalé' kumiit Yaku, sia musti sumangkal in owakna, muléng in salipna wo kumiit Yaku.

Lukas 14:27

Si séike' si ra'ica muléng in salipna in esa wo ra'ica kumiit Yaku, sia ra'ica toro mamuali murit-Ku.

Lukas 23:26

Wo si Yesus iwali é suraro Romawi kumesot ang kota Yerusalem. An uner in lalan séra meta'up wo si esa tou makangaran Simon tou Kirene si ang karoro'an i meuntep ing kota. Wo tangen éra sia wo papawuléng éra en salip i Yesus, akar wuléngenna en salip itu wo mawaya' an somoi i Yesus.

Yohanes 19:17

Wuléngen-Na en salip wo mangé an tampa si makangaran tampa Ru'i in Do'kos, a nunuwu' Ibrani Golgota.

Yohanes 21:19

Icua i Yesus in taniitu, en tumuru' mulur tambisa si Petrus maté, wo irumayo wo sumiri' si Amang Kasuruan. Kekawus i Yesus kumua in taniitu, icua-Na a si Petrus, “Kumiito mai Aku.”

Yohanes 21:22

Isowat i Yesus ai sia, “Sa icasalé'-Ku sia menonouke' melala'us akar Aku maai sumawel, en itu ra'ica urusanmu. Taan ko kumiito mai Yaku.”

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Kolose 1:24

Intarépé' aku arui ampa'paan ro'na mendamai ing kawenduan torona ing kalooran iow. Wo eng kawenduan anio' musti pendamen in owakku tanu in lumekep ing kawenduan si musti wuléngen woo i Kristus torona in owak-Na siituo sé jamaat-Na.

1 Tesalonika 3:3

Wo in taniitu, mandé ka'i kamu niokoio, kamu kasake' maéman a si Yesus. Ampa'paan kailekano miow in esa sa sé tou maéman a si Yesus musti meta'up ing kawenduan.

2 Timotius 3:12

Mémang pakasa in tou maéman a si Kristus Yesus wo kumiit ing kasalé'an-Na meta'up oka in okoi.

1 Petrus 2:21

Ampa'paan in ituo, kamu tinowao i Amang Kasuruan e méma' in loor mandé' ka'i kamu meta'up ing kawenduan. Si Apo' Yesus imendamo ing kawenduan torona miow wo imééo im paandéan ai camu wosama' kiiten iow tanu si niéma'-Na.