Matius 16:21 - En Taar Weru a nunuwu' é Tontemboan

²¹ Tumo'tolai asi témpo itu, ipengua-ngua i Yesus a sé murit-Na sapaoka Sia musti maangé an Yerusalem, wo mamuléng oka ing keli kawenduan asé matu-matu'a é tou Yahudi, sé kikiiten é imam, sé makailek wutul in Torat owo, wo patén éra taan a si endo katelu Sia tumou sumawel.

Matius 16:21 ပူးပေါင်းရင်းမြစ်များ

Matius 12:40

Ampa'paan kaputé i nabi Yunus mento' an untep im poot i sera' wangker telu ngando wo telu ngawengi, taniituo ka'i mai si Toyaang i Tou mento' oka an untep ing kubur telu ngando wo telu ngawengi.

Matius 16:22

Taan si Yesus winéso' i Petrus an tembir wo romaanna si Yesus, “Guru, si Guru ra'ica toro rumoma' tanu siitu! Sa woo ro'na itaya-tayang angé i Amang Kasuruan en itu! En itu ra'ica toro mamuali a si Guru.”

Matius 16:28

En ulitna icua-Ku mangé ai camu, an unér é tou sé lumili am bia'i, awéan sé ra'ipé' maté sa ra'ipé' isuméré si Toyaang i Tou maai tanu Kolano ang Kakolanoan-Na.”

Matius 17:12

Taan icua-Ku ai camu, si Elia imayo, taan sia kiit katuusan é tou wo pinara'i-ra'i éra kiit ing kasalé'an éra. Taniituo ka'i en émaan éra oka a si Toyaang i Tou.”

Matius 17:9

An tutuw éra maperos ing kuntung, icua i Yesus ai séra, “Ra'ipé' toro icua miow a sé tou walina sapa en sinéré miow tarépé'! Icua oka miow en itu sa si Toyaang i Tou tumouo sumawel an uner é tou imaté.”

Matius 20:28

En itu meputé wo si niéma' i Toyaang i Tou. Sia maai ang kayo'baan anio' ra'ica maai selewiran é tou taan en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Matius 26:2

“Kailekan iow, en endo wangko' Paska waya oka i rua ngando wo si Toyaang i Tou isarakan oka in salipen.”

Matius 26:47

An tutuw i Yesus maroma'pé', wo mai si Yudas si esaan asé sangapulu' rua murit-Na mewali-wali wo sé tou keli sé maali-ali in sa'bel wo im papangkur. Séra airu'du' é kikiiten é imam wo sé matu'a é tou Yahudi.

Matius 27:12

Taan pakasa sé patudu é kikiiten é imam wo sé matu'a é tou Yahudi a si Yesus, ra'ica wana en sinowat-Na.

Matius 27:63

icua éra, “Tuang gubernur, kinata'néian amio, an tutuw si mengasélé'kow itu menonou, sumangkumo icua-Na in tana'i, ‘Kekawus in telu ngando Aku imaté, Yaku tumou oka sumawel.’

Matius 28:6

Sia ra'io am bia'i, Sia itumouo sumawel tanu sé sumangkumo aicua-Na. Mayo, séréno mai en tinekelan i mayat-Na.

Markus 8:31

An tutuw itu, tumo'tolo si Yesus sumusui ai séra sapaoka si Toyaang i Tou musti muléng ing keli kawenduan wo icélong oka é matu-matu'a é tou Yahudi, kikiiten é imam wo sé makailek wutul in Torat, wo Sia patén oka taan asi endo katelu Sia tumou sumawel.

Markus 9:12

Isowat i Yesus, “Wutul si Elia oka si rumiorai en tumu'tul im baya-waya. Taan tambisa réén wo sé aipatic andumoro' si Toyaang i Tou sa Sia musti mendam ing keli kawenduan wo iséro' oka é tou?

Lukas 17:25

Taan ra'ipé' mai si endo itu, musti sangkumen-Na owo eng kelian kawenduan wo célong é tou menonou intarépé'.

Lukas 24:46

Wo icua-Na ai séra, “Aipatic ang Kitap Le'nas tana'i: Si Mesias, si Colano Lumolowir, musti mawendu wo maté wo asi endo katelu tumou sumawel an uner é tou imaté.

Lukas 9:31

Séra in dua mapaturu' in owak, kaséréan menéla-nélap. Séra mapaar ang karapi-Na andumoro' im papaté si sangkumen-Na oka an Yerusalem.