Matius 16:20 - En Taar Weru a nunuwu' é Tontemboan

²⁰ Wo péronen i Yesus sé murit-Na wosama' tioo ipakua-kua éra a si séike' mangé sapaoka Sia Mesias.

Matius 16:20 ပူးပေါင်းရင်းမြစ်များ

Matius 1:16

Wo si Yakub makatoyaang ngaranna Yusuf penanaan i Maria si itumou si Yesus, si patuulen Kristus.

Matius 16:16

Isowat i Simon Petrus, “Si Guruo si Mesias itu, si Toyaang i Amang Kasuruan si menonou!”

Matius 17:9

An tutuw éra maperos ing kuntung, icua i Yesus ai séra, “Ra'ipé' toro icua miow a sé tou walina sapa en sinéré miow tarépé'! Icua oka miow en itu sa si Toyaang i Tou tumouo sumawel an uner é tou imaté.”

Matius 8:4

Wo icua i Yesus ai sia, “Ta'néieno mangé, tioo icuamu en anio' a si séike' mangé, taan mangéo ipapaturu' en owakmu a si imam wo mééo mio' raragés binatang pinokol tanu si aiperénta i Musa, en itu tanu tuus ai séra.”

Markus 8:30

Wo pinéro keli i Yesus séra wosama' ra'ica toro ipakua-kua éra a si séike' mangé andumoro' Sia.

Markus 9:9

An tutuw éra imaperos ing kuntung, itaar i Yesus ai séra wosama' ra'ica toro ipepaar éra a si séike' mangé sapa en sinéré éra itu, sa si Toyaang i Tou ra'ipé' tumou sumawel an uner é tou imaté.

Lukas 2:11

En abar itu tana'i: Asi endo anio' ang kota Daud makangaran im Betlehem itumouo si Lumolowir iow, Siao si Kristus, si Kasuruan.

Lukas 9:21

Wo uli-ulit péronen i Yesus sé murit-Na wosama' ra'ica ipakua-kua éra en andumoro' in itu a si séike' mangé.

Lukas 9:36

An tutuw en suara itu ra'io kalingaan, sérén éra en am bitu waya oka si Yesus in esa. Pakasa sé sinéré é telu murit am puruk ing kuntung asi témpo itu, asalo ipakapenes éra wo ra'ica ipasisi-sisil éra a sé tou walina.

Yohanes 1:41

Wo si Andreas mangé meta'up wo si Simon tuarina, wo icuana ai sia, “Aipeta'upo ami si Mesias.” (Mesias meputé wo si Kristus, eng kaangéanna Kolano Lumolowir).

Yohanes 1:45

Wo si Filipus mangé meta'up wo si Natanael, icuana ai sia, “Aipeta'upo ami Sia si aicua i Musa ang kitap Torat, wo si pakua é nabi. Siao si Yesus a Nazaret owo toyaang i Yusuf.”

Yohanes 11:27

Isowat i Marta a si Yesus, “Én é Tuang, percayanku sapaoka Ico si Mesias, Toyaang i Amang Kasuruan si aijanjio maai oka ang kayo'baan anio'.”

Yohanes 20:31

Taan pakasa sé aipatico asi kitap anio', en itu aipatic wosama' percayan iow si Yesus ituo si Mesias wo Toyaang i Amang Kasuruan, wosama' percayan iow Sia wo kéréan iow eng katouan akar ing kauré-uré.

Kisah Para Rasul 2:36

Ampa'paano in itu pakasa sé tou Israel musti wutu-wutul makailek sapaoka si Yesus si aipaku miow ang kayu salip itu, Siao si niangkai i Amang Kasuruan mamuali Kasuruan wo Kristus.”

1 Yohanes 2:22

Si séi réén si kotowo itu? Tantu si tou mengasangkal si Yesus itu Kristus. Siao si kaséké' i Kristus wo mengasangkal si Amang wo ka'i si Toyaang.

1 Yohanes 5:1

Si séike' e maéman sapaoka si Yesus itu Kristus, sia toyaango i Amang Kasuruan. Wo en tou si mengaupus a si Amang, sia ka'i mengaupus sé tou i mamualio toya-toyaang-Na.