Matius 16:19 - En Taar Weru a nunuwu' é Tontemboan

¹⁹ Wéé-Ku oka ai co eng kukusi' ing Kakolanoan in Sorga. Sapa sé aiwa'kesmu ang kayo'baan anio' icawa'kes oka ka'i an sorga wo sapa sé iwekarmu ang kayo'baan anio' icawekar oka ka'i an sorga.”

Matius 16:19 ပူးပေါင်းရင်းမြစ်များ

Matius 18:18

En ulitna icua-Ku mangé ai camu, sapake' em pinéromu émaan é tou ang kayo'baan, péronen ka'i i Amang Kasuruan si maento' an sorga. Taniitu ka'i sapake' e niénanmu émaan é tou ang kayo'baan, en itu ka'i énan i Amang Kasuruan si maento' an sorga.

Yohanes 20:23

Sa ampungan iow eng kamesé-meséaan é tou, eng kamesé-meséaanna niampungano. Wo sa ra'ica ampungan iow eng kamesé-meséaan é tou, eng kamesé-meséaanna ra'ica niampungan.”

Kisah Para Rasul 15:7

Uré-uréan keli séra mepaar andumoro' im perkara itu wo si Petrus tumulung, icuana ai séra, “Éi poo-poow, kailekan iow sapaoka si Amang Kasuruan indior isumisiro yaku an uner iow eng kumua in Abar Kaaruien andumoro' si Yesus Kristus a sé tou ra'ica Yahudi wosama' lingan éra en abar itu wo maéman.

2 Korintus 2:10

Sa ampungan iow si tou iméma'o ing kaséaan ai camu, ampunganku ka'i si tou itu. Ampa'paan sapa sé niampungankuo, sa wutul awéan em perlu ampungan, en itu ampunganku an dior i Kristus torona ing kalooran iow.

1 Tesalonika 4:8

Ampa'paan in itu, si séike' si ra'ica kiim tumerima in sususuien anio', sia itu ra'ica asaloke' kumélong sé tou, taan kumélongo si Amang Kasuruan si mééo mai i Roh Le'nas ai camu.

Wahyu 1:18

wo Si Menonou. Yaku si matéo, taan intarépé' séréno Aku menonou, wo Aku menonou akar ing kauré-uré. Pakakulun-Ku eng kukusi' im papaté wo eng kakolanoan im papaté.

Wahyu 11:6

Wo séra in dua awéan kawasa en lumémpen in langit wosama' ra'ica muran ang karoro'an éra makua i nunuwuun i Amang Kasuruan. Séra awéan kawasa ka'i méma' im palemboian in dano mamuali enda', wo kawasa e méma' pakasa ing kawangkuran ang kayo'baan, kawisake' en itu icasalé' éra émaan.

Wahyu 3:7

“Ipatico mio' a si malaékat si mengatéir in jamaat an Filadelfia. Si anioo en taar Si Le'nas, Si Wutul, Si makakulu ing kukusi' i Daud. Sa em papalen winukaan-Nao, ra'ica wana e ro'na malen. Wo sa kinusi'an-Nao, ra'ica wana e ro'na muka'.

Wahyu 9:1

Wo sengono i malaékat kalima en terompétna, wo sérénku si esa sumesendot an langit owo rumongkorai ang kayo'baan. Wo si sumesendot itu winéan ing kukusi' e muka' im papalen pauntepan ang kepal im papaté.