Matius 16:13 - En Taar Weru a nunuwu' é Tontemboan

¹³ Kekawus i Yesus icateka' an sangkum ing Kaisarea Filipi, wuéien-Na a sé murit-Na, “Pakua é tou, si séi réén si Toyaang i Tou itu?”

Matius 16:13 ပူးပေါင်းရင်းမြစ်များ

Matius 12:32

Sa awéan tou manuwu' en sumundur si Toyaang i Tou, si tou itu ampungan oka. Taan sa sé ipanuwu'na maojat si Roh Le'nas, sia ra'ica kawisa kaampungan, intarépé' wo ka'i akar ing kauré-uré.”

Matius 12:40

Ampa'paan kaputé i nabi Yunus mento' an untep im poot i sera' wangker telu ngando wo telu ngawengi, taniituo ka'i mai si Toyaang i Tou mento' oka an untep ing kubur telu ngando wo telu ngawengi.

Matius 12:8

Ampa'paan si Toyaang i Tou awéan kawasa en tumu'tul im baya-waya icauntep in atoran in endo Sabat.”

Matius 13:37

Wo isowat i Yesus, “Si tou imuras in lulumbo loor, siao si Toyaang i Tou.

Matius 13:41

Iru'du' oka i Toyaang i Tou sé malaékat-Na wo li'usen éra oka ang Kakolanoan-Na pakasa sé imangémai sé tou mengaéma' ing kamesé-meséaan wo pakasa en tou sé mengaéma' ing kaléwo'an.

Matius 15:21

Si Yesus kumesot am bitu wo sumingkir an sangkum in Tirus wo in Sidon.

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 16:28

En ulitna icua-Ku mangé ai camu, an unér é tou sé lumili am bia'i, awéan sé ra'ipé' maté sa ra'ipé' isuméré si Toyaang i Tou maai tanu Kolano ang Kakolanoan-Na.”

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Matius 8:20

Icua i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Matius 9:6

Taan intarépé', musti kailekan iow sapaoka ang kayo'baan anio' si Toyaang i Tou awéan kawasa e méé kaampungan ang kamesé-meséaan.” Wo icua i Yesus a si tou késo' itu, “Tumulungo, angkaieno en tinekelanmu wo maréngo am balému.”

Markus 10:45

Ampa'paan si Toyaang i Tou ka'i maai ang kayo'baan anio', ra'ica maai en selewiran é tou taan mai en sumelewir sé tou wo méé in owak-Na in esa en tumu'bus ing kamesé-meséaan é tou keli.”

Markus 8:38

Ampa'paan si séike' mangé e malawi' ampa'paan Yaku wo in sususuien-Ku an dior é tou sé ra'ica le'tek wo keli kamesé-meséaan anio', si Toyaang i Tou ka'i malawi' oka mangaku si tou itu an tutuw-Na maai ang kawasa wangko' i Amang-Na, mewali-wali wo sé malaékat le'nas.”

Yohanes 1:51

Icua ka'i i Yesus, “En ulitna icua-Ku mangé ai camu, sérén iow oka en langit mawuka' wo sé malaékat i Amang Kasuruan sumosor wo meros maai a Yaku Toyaang i Tou.”

Yohanes 12:34

Wo icua é tou keli itu a si Yesus, “Kailekano ami ang Kitap Le'nas, si Mesias menonou oka akar ing kauré-uré. Tumambisa réén wona' icua-Mu si Toyaang i Tou musti irangka' ang kayu salip? Si séi réén si Toyaang i Tou itu?”

Yohanes 3:14

Wo an tutuw é apo-apo'ta an tana' kapayasan, wo émaan i Musa esa koloi' an tambaga owo wo iwérénna si coloi' itu asi sangapokol kayu. Taniitu ka'i si Toyaang i Tou, musti iwérén an tiang ing kayu,

Yohanes 5:27

Wo si Amang-Ku ka'i mééo ing kawasa a Yaku e makim ampa'paan Yaku Toyaang i Tou.

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 7:56

Wo icua i Stefanus, “Uli-ulit, kinaséréanku en langit imawuka' wo si Toyaang i Tou makatulung ang kakan i Amang Kasuruan.”