Matius 16:1 - En Taar Weru a nunuwu' é Tontemboan

¹ Wo mai sé piraan tou Farisi wo Saduki e mangepé' si Yesus. Pangileken éra wosama' ipapaturu'-Na ai séra esa tuus an sorga owo.

Matius 16:1 ပူးပေါင်းရင်းမြစ်များ

Matius 12:14

Wo sé tou Farisi itu kumesot am balé paapo'an, séra mepaar tumambisa e maté si Yesus.

Matius 15:1

Awéan piraan tou Farisi wo sé makailek wutul in Torat an Yerusalem owo. Séra mai a si Yesus wo mamuéi,

Matius 16:6

Icua i Yesus ai séra, “Matéi-téiro wo maténga-téngamo andumoro' i ragi é tou Farisi wo Saduki.”

Matius 19:3

Wo mai piraan tou Farisi en tuma'kong Sia. Wuéien éra ai Sia, “Sa kumiit in ukum in agamata, ro'na réén si tuama icumawéngo cuméré si penanaanna maké in alasan sapake' mangé?”

Matius 22:15

Wo sé tou Farisi mangé menuwu' tumambisa en tuma'kong si Yesus maké wuwuéien.

Matius 22:18

Taan kailekan i Yesus eng kaléwo'an in até éra, wo icua-Na ai séra, “Éi camu sé tou punek, kéitu réén kamu mangepé' a Yaku?

Matius 22:23

Asi endo' ituke', piraan tou Saduki mai a si Yesus. Paanggapen éra sa sé tou imatéo ra'io kawisa tumou sumawel. Wo wuéien éra a si Yesus:

Matius 23:2

“Sé makailek wutul in Torat wo sé tou Farisi makéré kawasa masusui in ukum i Amang Kasuruan a sé tou, meputé wo si Musa indior.

Matius 27:62

Mando mai, asi endo Sabat, sé kikiiten é imam wo sé tou Farisi mangé meta'up a si Pilatus,

Matius 5:20

Icua-Ku mangé ai camu, sa ra'ica émaan iow eng kasalé'an i Amang Kasuruan lumébémai asé makailek wutul in Torat wo sé tou Farisi, en ulitna kamu ra'ica kawisa muntep ang Kakolanoan in Sorga.”

Matius 9:11

An tutuw é tou Farisi suméré si Yesus makan ang karapi é tou itu, icua éra a sé murit i Yesus, “Kéitu si Guru miow makan ang karapi é matagi im pajak wo sé tou méma' ing kamesé-meséaan itu?”

Markus 10:2

Wo mai sé tou Farisi e mangepé' a si Yesus. Wuéien éra ai Sia, “Ro'na réén si tuama icumawéngo cuméré si penanaanna?”

Markus 12:15

Taan kailekan i Yesus eng kapunekan éra wo icua-Na ai séra, “Kéitu réén kamu mangepé' a Yaku? Iwéé mai esa dinar wo sérén-Ku!”

Markus 12:18

Kekawus in itu, piraan tou Saduki mai a si Yesus. Paanggapen éra sa sé tou imatéo ra'io kawisa tumou sumawel. Wo wuéien éra a si Yesus,

Lukas 10:25

Asi makasa, awéan esa tou si makailek wutul in Torat tumulung wo mangepé' a si Yesus. Wo wuéienna a si Yesus, “Guru, sapa si musti émaanku e makéré ing katouan akar ing kauré-uré?”

Lukas 11:16

Wo awéan ka'i ai séra mangepé' Sia. Pangileken éra ai Sia wosama' ro'na méma' ing kakaya'kaan e méé tuus sapaoka eng kawasa-Na itu asi Amang Kasuruan owo.

Lukas 20:23

Taan kailekan i Yesus em basa éra léwo'. Ampa'paan in ituo icua-Na ai séra in tana'i,

Lukas 20:27

Kekawus in itu, piraan tou Saduki mai a si Yesus. Ra'ica pangakun éra sa sé tou imatéo touen oka sumawel. Wuéien éra a si Yesus,

Yohanes 8:6

Icua éra in taniitu e mangepé' a si Yesus, wosama' séra ro'na makéré alasan e méé kaséaan ai Sia. Taan si Yesus asalo icumuru wo mapatic in tuturu' ing kama-Na an tana'.

Kisah Para Rasul 4:1

An tutuw i Petrus wo si Yohanes maroma' a sé tou keli wo mai sé imam, si capala mengatéir im Balé Le'nas wo sé tou Saduki.

Kisah Para Rasul 5:17

Asi témpo itu, si imam wangko' wo sé tou Saduki sé makii-kiit isia, manganat keli a sé ruru'du'an wo tindaken éra.

1 Korintus 1:22

Sé tou Yahudi mangilek tuus kakaya'kaan owo wo séra mercaya. Sé tou Yunani maké ing kapinteran in esa e mercaya.