Matius 15:33 - En Taar Weru a nunuwu' é Tontemboan

³³ Icua é murit-Na ai Sia, “Guru, en tampa anio' lulu in tou, tumambisa kita makéré roti iwéé a sé tou keli anio'.”

Matius 15:33 ပူးပေါင်းရင်းမြစ်များ

Matius 14:15

Matawio im bengi, mai sé murit-Na wo kumua, “Guru, en tampa anio' lulu in tou wo mawengio. Iru'du'o mangé sé tou keli itu wosama' séra ro'na tumeles kakanen an doo-roong tawi am bia'i.”

Matius 15:32

Wo towan i Yesus sé murit-Na wo kumua, “En até-Ku mendam ing kaupusan a sé tou keli anio'. Ampa'paan teluo ngando séra mengii-ngiit Yaku wo séra ra'io wana kakanen. Ra'ica kiim-Ku rumu'du' séra maréng ang karapi i maarem, oréoka séra awéan e mapusing an lalan.”

Matius 15:34

Icua i Yesus ai séra, “Pira réén eng kakeli i roti miow?” Isowat éra, “Pitu wo awéané' ka'i piraan sera' teké'.”

Markus 6:37

Taan isowat i Yesus ai séra, “Kamuo e musti méé kanen ai séra!” Sowat éra ai Sia, “Musti réén kami e mangé tumeles roti makawééna in dua ngaatus dinar em béé kanen éra?”

Lukas 9:13

Taan icua i Yesus a sé murit-Na, “Séra musti wéan iow kanen!” Isowat é murit-Na, “Amang, awéan ai cami wayake' in lima roti wo rua sera', aluar sa icasalé' i Amang kami mangé tumeles ing kakanen em béé ai séra.”