Matius 15:32 - En Taar Weru a nunuwu' é Tontemboan

³² Wo towan i Yesus sé murit-Na wo kumua, “En até-Ku mendam ing kaupusan a sé tou keli anio'. Ampa'paan teluo ngando séra mengii-ngiit Yaku wo séra ra'io wana kakanen. Ra'ica kiim-Ku rumu'du' séra maréng ang karapi i maarem, oréoka séra awéan e mapusing an lalan.”

Matius 15:32 ပူးပေါင်းရင်းမြစ်များ

Matius 12:40

Ampa'paan kaputé i nabi Yunus mento' an untep im poot i sera' wangker telu ngando wo telu ngawengi, taniituo ka'i mai si Toyaang i Tou mento' oka an untep ing kubur telu ngando wo telu ngawengi.

Matius 14:13

Kelinga i Yesus en abar i Yohanes Mabaptis imatéo, wo Sia sumingkir angé tumela'u in tampa itu. Wo Sia sumaké an londéi mangé an tampa lulu in tou. Taan an tutuw kinailekan é tou keli, wo séra kumesot ang kota-kota éra wo maya' ing kécéi kumiit in lalan katanaan.

Matius 15:33

Icua é murit-Na ai Sia, “Guru, en tampa anio' lulu in tou, tumambisa kita makéré roti iwéé a sé tou keli anio'.”

Matius 20:34

Wo mai eng kaupusan i Yesus ai séra in dua wo isuun-Na ing kama em beren éra. An tutuw ituke' séra ro'nao maséré wo séra kumiit Isia.

Matius 27:63

icua éra, “Tuang gubernur, kinata'néian amio, an tutuw si mengasélé'kow itu menonou, sumangkumo icua-Na in tana'i, ‘Kekawus in telu ngando Aku imaté, Yaku tumou oka sumawel.’

Matius 9:36

An tutuw i Yesus suméré sé tou keli makiit Sia, mai eng kaupusan in até-Na ai séra, ampa'paan séra makepéo wo icawayao tanuoka sé domba ra'io wana gembala.

Markus 9:22

Wo makakeli-keli sia pengawésoon i roh léwo' yuntep an api kuma'pa yuntep an dano e maté sia. Taan sa woo ro'na si Guru sumama' sia, tawangenai wo icaupusai kami.”

Lukas 7:13

Keséré i Apo' Yesus si wéwéné balu itu, makala'us mai eng kaupusan-Na ai sia. Wo icua-Na a si wéwéné balu itu, “Inang, nomoo mengamé-ngamé'!”

Kisah Para Rasul 27:33

Matawio ing katoora yéndo wo uwasen i Paulus pakasa sé tou ang kapal eng kuman. Icuana, “Ruao duminggu kita itumang in arem ra'ica icuman sapa-sapa mengento-ngento' oka.

Ibrani 4:15

Ampa'paan si Imam Wangko'ta itu ra'ica imam wangko' sé ra'ica ro'na kumiit mendam ing kalembianta. Ampa'paan sinangkum-Nao mai waya em pangepé'an an tutuw Sia ang kayo'baan, meputé sé pasangkumenta intarépé'. Taan Sia ra'ica kawisa mako méma' ing kamesé-meséaan.