Matius 15:31 - En Taar Weru a nunuwu' é Tontemboan

³¹ Sé tou keli itu ka'i mangaya-ngaya'ka' isuméré sé tou wowo' maroma'o, sé tou kénto' masama'o, sé tou késo' mawaya'o, sé tou wola maséréo, wo irayo éra si Amang Kasuruan é Israel.

Matius 15:31 ပူးပေါင်းရင်းမြစ်များ

Matius 15:30

An tutuw itu keli en tou meréro-rérot maai ai Sia. Iwali éra mai sé tou késo', sé tou wola, sé tou kénto', sé tou wowo' wo keli ka'i en sakit walina, wo iweta' éra an dior i Yesus. Wo séra im baya sinama'-Na.

Matius 18:8

Sa eng kamamu esa kuma'pa eng kécéimu esa iméma' ico meséa', pokolen wo itiya'o eng kama kuma'pa eng kécéi itu! Aweso taré ko mandé waya oka in esa kama kuma'pa esa kécéi taan tumerima ing katouan akar ing kauré-uré, wotaré ico rua kama wo rua kécéi taan yuntep an api si ra'ica mape'de-pe'del akar ing kauré-uré.

Matius 21:14

Kumawus in itu, sé tou wola wo sé tou kénto' mai ai Sia ang kintal im Balé Le'nas, wo séra sinama'-Na.

Matius 8:10

Kelinga in itu, si Yesus mangaya'ka' wo icua-Na ai séra sé makiit Sia, “En ulitna icua-Ku mangé ai camu, ra'ipé' kawisa ipeta'up-Ku em paémanen wangko' tanu si anio' mandé esake' tou an uner é tou Israel.

Matius 9:32

Kekesot é rua tou wola sé imasama'o itu, wo wali éra mai a si Yesus si esa tou wowo' si rinasuk i sétang.

Matius 9:33

Kekawus i Yesus musér si sétang asi tou wowo' itu, an tutuw ituke' si tou itu ro'nao maroma'. Sé tou keli am bitu mangaya-ngaya'ka' wo mengkuanan, “Ra'ipé' sumangkum ako sérén ami eng kamamualian tanu si anio' an Israel.”

Matius 9:8

Keséré in itu, sé tou keli maindé' wo rumayo si Amang Kasuruan si méé ing kawasa wangko' a sé tou.

Markus 2:12

Si tou itu tumoor wo makala'us angkaienna en tepé wo an dior é tou keli sia kumesot am bitu. Wo séra im baya mangaya-ngaya'ka'. Séra rumayo si Amang Kasuruan wo kumua, “Eng kamamualian tanu sia'i ra'ipé' kawisa sérénta.”

Markus 7:37

Séra wutu-wutul mangaya'ka' wo kumua, “Niéma'-Na waya maloor, si wengel niéma'-Na malinga wo si wowo' niéma'-Na maroma'.”

Markus 9:43

Sa eng kamamu esa iméma' ico ang kamesé-meséaan, pokoleno mio', ampa'paan aweso taré ko mandé wayaoka in esa kama tumerima ing katouan akar ing kauré-uré an sorga, wotaré awéan rua kama taan ko aitiya'ke' a naraka, an untep in api si ra'ica mape'de-pe'del. [

Lukas 14:13

Anaé, sa ko méma' im pésta kuman wo melep, enoteno mangé sé tou lengéi, sé tou ra'ica lekep en owak, sé tou késo' wo sé tou wola.

Lukas 14:21

Wo si ata itu maréng angé sumawel wo icuana waya en itu a si tuang si méma' im pésta. Wo si tuang itu mae'bow keli wo icuana a si atana, ‘Mario-rioro mangé an lala-lalan wangko' wo an lala-lalan pesut ang kota wo iwali mai sé tou lengéi, sé tou ra'ica lekep en owak, sé tou wola wo sé tou késo'.’

Lukas 18:43

Asi témpo ituke', si tou wola itu makala'uso maséré wo kumiit si Yesus ang karapi i marayo-rayo si Amang Kasuruan. Pakasa sé tou isuméré ing kinamamualian itu marayo-rayo ka'i si Amang Kasuruan.

Lukas 7:16

Pakasa sé tou am bitu maindé' wo séra rumayo wo sumiri' si Amang Kasuruan. Icua éra, “Si esa nabi wangko' an unertao! Si Amang Kasuruan imayo en lumowir sé tou-Na!”

Yohanes 9:24

Wo towan éra ing kumarua si tou si indior wola itu wo icua éra ai sia, “Musti icuamu im butul an dior i Amang Kasuruan. Kailekan ami si tou isumama' ico itu tou ang kamesé-meséaan.”