Matius 15:29 - En Taar Weru a nunuwu' é Tontemboan

²⁹ Kekawus in itu, si Yesus tumela'uo in tampa itu wo maya' an tembira in lour Galilea. Wo séra sumosor an tolaina wo lumukut am bitu.

Matius 15:29 ပူးပေါင်းရင်းမြစ်များ

Matius 13:2

Wo rérot oka sé tou keli mai mali'us lumi'cir Sia. Ampa'paan in itu Sia sumaké an londéi wo lumukut am bitu, taan sé tou keli itu makatulung an tembir in lour.

Matius 4:18

An tutuw i Yesus imawaya' an tembir in lour Galilea, sérén-Na sé rua metuari, séra ituo si Simon si patuulen Petrus wo si Andreas tuarina. Séra ang karoro'an malombo' in lolombo' an lour, ampa'paan en tawoien éra mengaéré sera'.

Matius 5:1

Keséré i Yesus sé tou keli itu, Sia sumosor an tolaina. An tutuw Sia lumukut, mai sé murit-Na ai Sia.

Markus 1:16

Asi makasa si Yesus mawaya-waya' an tembir in lour Galilea wo sérén-Na sé rua metuari, e ngaran éra Simon wo Andreas. Séra ang karoro'an malombo' in lolombo', ampa'paan en tawoien éra mengatangka' sera'.

Lukas 5:1

Asi makasa si Yesus makatulung an tembir in lour Genesaret. Wo keli sé tou imali'usai ai Sia e mai luminga in Taar i Amang Kasuruan.

Yohanes 21:1

Wo si Yesus mapaturu' in owak ka'i a sé murit-Na an tembir in lour Tiberias. Tana'io eng kinamamualian itu:

Yohanes 6:1

Kumawus in itu, si Yesus mangé an lewet in lour Galilea si pengatuulen ka'i lour Tiberias.

Yohanes 6:23

Ang karoro'an in itu awéan londé-londéi sé mai ang kota Tiberias owo wo sumuwa' an diit in tampa kinanan i roti é tou keli, kekawus i Apo' Yesus kumua i makapulu'sama'.