Matius 14:31 - En Taar Weru a nunuwu' é Tontemboan

³¹ Wo makala'us yulur i Yesus eng kama-Na wo timboien-Na si Petrus, wo icua-Na, “Éi, tou ra'ipé' talos maéman, kéitu réén ko marua-rua wasa?”

Matius 14:31 ပူးပေါင်းရင်းမြစ်များ

Matius 14:30

An tutuw kapendamanna en deges repet, maindé'o sia wo metine-tinepo, wo sia mangko', “Tuang, tawangenai aku!”

Matius 14:32

Wo séra sumaké an londéi wo en deges ka'i menteng.

Matius 16:8

An tutuw kinailekan i Yesus sapa em pemaa-maaren éra, wo icua-Na, “Kéitu réén ipapaar iow andumoro' in da'ica wana roti? Éi camu sé tou ra'ipé' talos maéman!

Matius 17:20

Wo isowat i Yesus ai séra, “Kamu ra'ica makawoo musér si sétang itu ampa'paan kamu ra'ica mauli-ulit maéman. En ulitna icua-Ku mangé ai camu, sa kamu uli-ulit maéman, mandé em paémanen iow waya ka'i in sangatekic puté im batuna tumeki-tekic, kamu ro'na rumu'du' si kuntung anio', ‘Icaérao mangé!’, tantu eng kuntung itu icaéra oka. Anaé, pakasa ro'na émaan iow, sa kamu uli-ulit maéman. [

Matius 6:30

Sa en dukut am pangumaan asi endo anio' awéan taan woondona mai tiya' an api, taan piniara wo niéma' i Amang Kasuruan pasung. Ra'ica réén icamu en émaan-Na lébé pasung, éi tou sé ra'ipé' talos maéman?

Matius 8:26

Icua-Na ai séra, “Kéitu réén kamu maindé', éi camu sé ra'ipé' talos maéman?” Wo si Yesus tumulung wo peréntan-Na en deges wo en lour itu, akar en lour wutu-wutul malener.

Markus 1:31

Wo si Yesus mangé rumuru a si wéwéné itu, timboien-Na eng kamana, ilukut-Na wo icatalao en sakit paso'na wo selewiranna séra.

Markus 1:41

Wo mai eng kaupusan i Yesus a si tou itu. Yulur i Yesus eng kama-Na e misu' si tou itu wo kumua, “Icasalé'-Ku, masama'o ko!”

Markus 11:23

En ulitna icua-Ku mangé ai camu, si séike' mangé eng kumua a si cuntung anio', ‘Icaangkaio wo icawangkilo an ta'sic!’ Asalo en aténa ra'ica marua-rua wasa taan uli-ulit maéman sapaoka en aicuana itu mamuali oka, en itu tantu mamuali oka.

Markus 16:7

Anaé intarépé', mangéo icua a sé murit-Na wo a si Petrus, tana'i, ‘Si Yesus itumouo sumawel wo Sia irumioro mangé ang Galilea. A mangé mbitu sérén iow oka Sia, tanu si sumangkumo aicua-Na ai camu.’ ”

Markus 4:40

Kumawus in itu, icua i Yesus a sé murit-Na, “Kéitu réén kamu maindé'? Kéitu réén kamu ra'ica mapercaya?”

Markus 5:41

Wo timboian-Na eng kama i toyaang itu, wo icua-Na, “Talita kum” eng kaangéanna “Éi toyaang wéwéné, icua-Ku ai co, tumooro!”

Lukas 24:34

Wo icua é murit i Yesus itu ai séra in dua, “Wutul, si Apo' Yesus itumouo sumawel wo imapaturu'o in owak-Na a si Simon.”

Kisah Para Rasul 4:30

O Kasuruan wéanai kawasa kami wosama' kami ro'na sumama' sé tou wo ro'na méma' ing kakaya'kaan wo tuu-tuus walina ang karapi i ngaran i Yesus si Ata-Mu le'nas.”

1 Timotius 2:8

Ampa'paano in itu, icasalé'ku wosama' am bisa-wisake' sé tuama mengasombayang angé ang karapi in até weresi a si Casuruan, ra'ica ang karapi in e'bow wo meindoan roma'.

1 Petrus 1:5

Ampa'paan kamu maéman a si Amang Kasuruan, pakatéiran-Na kamu ang karapi ing kawasa-Na, wosama' kamu ro'na tumerima ing kamang kalowiran sé aitu'tul-Nao em béé oka ai camu a si endo-endo kaka'puan ing kayo'baan.