Matius 14:29 - En Taar Weru a nunuwu' é Tontemboan

²⁹ Icua i Yesus, “Mayoo!” Wo si Petrus si an londéi, tumumpa wo maya' am bawo in dano maangé a si Yesus.

Matius 14:29 ပူးပေါင်းရင်းမြစ်များ

Matius 14:28

Wo icua i Petrus, “Tuang, sa Ico itu, iru'du'o aku maai a si Tuang maya' am bawo in dano.”

Matius 14:30

An tutuw kapendamanna en deges repet, maindé'o sia wo metine-tinepo, wo sia mangko', “Tuang, tawangenai aku!”

Matius 17:20

Wo isowat i Yesus ai séra, “Kamu ra'ica makawoo musér si sétang itu ampa'paan kamu ra'ica mauli-ulit maéman. En ulitna icua-Ku mangé ai camu, sa kamu uli-ulit maéman, mandé em paémanen iow waya ka'i in sangatekic puté im batuna tumeki-tekic, kamu ro'na rumu'du' si kuntung anio', ‘Icaérao mangé!’, tantu eng kuntung itu icaéra oka. Anaé, pakasa ro'na émaan iow, sa kamu uli-ulit maéman. [

Matius 21:21

Isowat i Yesus ai séra, “En ulitna icua-Ku mangé ai camu, sa kamu mercaya wo ra'ica marua-rua wasa, kamu ro'na iméma' tanu si niéma'-Ku asi tuur in ara itu. Wo ro'na ka'i peréntan iow si tolaina anio', ‘Icaangkaio wo icawangkilo mangé an ta'sic!’, tantu en itu mamuali oka.

Markus 9:23

Isowat i Yesus, “Kéitu réén ko kumua sa Aku ro'na? Pakasa ro'na mamuali a sé tou maéman!”

Lukas 17:6

Wo isowat i Apo' Yesus, “Sa kamu maéman mandé ka'i em paémanen iow itu tanuke' im batuna si tumeki-tekic, kamu ro'na merénta in tuura in ara anio' makémbut wo causew an ta'sic, tantu en tuura anio' kumiit im perénta miow.”

Kisah Para Rasul 3:16

Katuusano miow si tou anio' si indior uréo késo'. Si tou sinéré miow anio' maémano a si Yesus, ampa'paan in ituo sia imasama' an dior iow im baya. En itu imamuali ampa'paan sia maéman a si Yesus.

Roma 4:19

Asi témpo itu kailekan i Abraham sapaoka sia ra'ica ro'na makéré taranak, ampa'paan sia matu'ao wo en umurna matawio sangaatus ngata'- un. Wo ka'i si Sara penanaanna ra'ica ro'na méé toyaang. Mandé in taniitu, em paémanen i Abraham a si Amang Kasuruan ra'- ica maina'.

Filipi 4:13

Ang kaadaan in sapake' eng kinasangkumanku, susa kuma'pa arui, kawooanku i muléng ampa'paan i Kristus si cumeter yaku.