Matius 14:19 - En Taar Weru a nunuwu' é Tontemboan

¹⁹ Wo iru'du'-Na sé tou keli lumukut an dukut. Kekawus in itu indon-Na sé lima roti wo sé rua sera' itu wo Sia kumanat angé an langit kumua i makapulu'sama'. Te'bi-te'biin-Na e roti itu wo yéké-éké a sé murit-Na. Wo yéké é murit-Na a sé tou keli.

Matius 14:19 ပူးပေါင်းရင်းမြစ်များ

Matius 14:18

Icua i Yesus, “Paalino mai a Yaku.”

Markus 6:39

Wo iru'du'-Na sé tou keli lumukut sanga-sangareru' am bawo in dukut.

Markus 6:41

Kekawus in itu indon i Yesus sé lima roti wo rua sera' itu. Sia kumanat angé an langit wo kumua i makapulu'sama' a si Amang Kasuruan. Wo te'bi-te'biin-Na e roti itu wo iwéé-Na a sé murit-Na, wosama' yéké éra a sé tou itu. Taniitu ka'i mai sé rua sera' itu, yéké-Na waya ai séra.

Markus 7:34

Wo si Yesus kumanat angé an langit, Sia méso' in aseng wo kumua, “Efata!” eng kaangéanna: “Mawuka'o!”

Lukas 22:17

Wo si Yesus mindo esa paelepan, tuasan-Nao in anggor wo Sia kumua i makapulu'sama' a si Amang Kasuruan wo kumua a sé murit-Na, “Indono em paelepan anio' wo kamu im baya melepo mio' mensan-sawelan!

Lukas 22:19

Kekawus in itu indon-Na e roti, wo kumua mangé makapulu'sama' a si Amang Kasuruan. Wo te'bi-te'biin-Na e roti itu, yéké-Na ai séra, icua-Na, “Si anioo en owak-Ku si aisarakan torona miow. Émaano mangé en anio' en tuma'néi Yaku!”

Lukas 24:30

An tutuw Sia lumukut kuman mewali-wali wo iséra, Sia mindo roti wo kumua i makapulu'sama' a si Amang Kasuruan wo te'bi-te'biin-Na e roti itu wo yéké-Na ai séra.

Lukas 9:14

Séra icumua in taniitu ampa'paan am bitu awéan wona' lima ngariwu tuama ra'ipé' icauntep sé wéwéné wo sé toyaang. Wo icua i Yesus a sé murit-Na, “Ru'du'o mio' sé tou itu lumukut sanga-sangareru', an esa ngareru' lima ngapulu' tou wona'.”

Lukas 9:16

Kumawus in itu, indon i Yesus en lima roti wo rua sera'. Wo Sia kumanat angé an langit wo kumua i makapulu'sama' a si Amang Kasuruan. Kumawus in itu e roti wo en sera' itu te'bi-te'biin-Na wo iwéé-Na a sé murit-Na en yéké a sé tou keli itu.

Yohanes 11:41

Wo angkaien éra em batu itu. Wo si Yesus kumanat angé wo kumua, “Amang, Yaku kumua makapulu'sama' a si Amang, ampa'paan liningao i Amang en sombayang-Ku.

Yohanes 6:23

Ang karoro'an in itu awéan londé-londéi sé mai ang kota Tiberias owo wo sumuwa' an diit in tampa kinanan i roti é tou keli, kekawus i Apo' Yesus kumua i makapulu'sama'.

Kisah Para Rasul 27:35

Kekawus sia kumua in taniitu, sia mindo roti wo kumua mangé makapulu'sama' a si Amang Kasuruan an dior éra waya. Te'bi-te'biinna e roti wo tumo'tolo kuman.

Roma 14:6

Si tou maanggap si esa endo en lébé pentingai wo sé endo walina, niéma'na en itu e rumayo wo sumiri' si Casuruan. Wo si tou ro'na kuman pakasa ing kakanen, niéma'na en itu e rumayo wo sumiri' si Casuruan, ampa'paan an tutuw ra'ipé' icuman, sia mééo i makapulu'sama' a si Amang Kasuruan. Wo si tou kuman in séndéénke', niéma'na en itu e rumayo wo sumiri' si Casuruan wo sia ka'i kumua i makapulu'sama' a si Amang Kasuruan.

1 Korintus 10:16

An tutuw kita melep in anggor am perjamuan le'nas wo kumua i makapulu'sama' a si Amang Kasuruan, eng kaangéanna, kita imeesao wo si Kristus am papaté-Na. Wo an tutuw kita kuman i roti si aite'bi-te'bi', eng kaangéanna, kita meesao ang karapi in owak i Kristus.

1 Korintus 10:31

Anaé, sapa-sapake' en émaan iow, eng kanen iow kuma'pa en elepen iow, émaano mangé em pakasa in itu asaloke' i rumayo wo sumiri' si Amang Kasuruan.

1 Korintus 11:24

wo kumua i makapulu'sama' a si Amang Kasuruan. Wo te'bi-te'biin-Na e roti itu, icua-Na, “Si anioo en owak-Ku si aisarakan torona miow. Émaano mangé en anio' en tuma'néi Yaku!”

Kolose 3:17

Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.