Matius 13:39 - En Taar Weru a nunuwu' é Tontemboan

³⁹ Si kaséké' si muras in lulumbo ing kuung, siao si kikiiten é sétang. En oras imaupu' siituo en endo kaka'puan ing kayo'baan wo sé tou imaupu' itu, sérao sé malaékat.

Matius 13:39 ပူးပေါင်းရင်းမြစ်များ

Matius 12:32

Sa awéan tou manuwu' en sumundur si Toyaang i Tou, si tou itu ampungan oka. Taan sa sé ipanuwu'na maojat si Roh Le'nas, sia ra'ica kawisa kaampungan, intarépé' wo ka'i akar ing kauré-uré.”

Matius 13:22

En lulumbo sé rumongkor an unér in dukut tutunéan en itu meputé wo sé tou ilumingao in taar, taan séra maindé-indé'ke' andumoro' ing katouan éra ang kayo'baan wo asaloke' maéré-éré ing kasiyaan. Pakasa en itu méma' iséra ra'ica iméé rékén asi taar itu akar ra'ica imua'.

Matius 13:25

Taan asi sangawengi an tutuw é tou kinakili'ano waya, si kaséké' i makauma itu mai muras in lulumbo ing kuung an uner ing gandum itu wo sia maréng.

Matius 13:28

Wo isowat imakauma itu ai séra, ‘En itu tinawoi i kaséké'ku.’ Wo icua é tou matawoi in uma a si makauma itu, ‘Sa réén taniitu, icasalé'ke' réén i tuang mangé ami kémbuten sé kuung itu?’

Matius 13:40

Anaé, kaputé ing kuung itu niumung wo tunun an api, taniituo ka'i e mamuali asi endo kaka'puan ing kayo'baan.

Matius 13:49

Taniitu ka'i an endo kaka'puan ing kayo'baan: Maai oka sé malaékat en tumané sé tou léwo' wo sé tou wutul.

Matius 24:3

Kumawus in itu, si Yesus mangé an Tolaina in Zaitun wo ang karoro'an-Na i makalukut am bitu wo mai sé murit-Na mepaar ang karapi-Na, sérake' in esa. Icua éra, “Guru, icua mai ai cami, kawisa réén en aicua i Guru itu mamuali? Wo sapa réén en tuusna sa si Guru maayo sumawel wo sapa réén en tuusna sa an orasnao in endo kaka'puan ing kayo'baan?”

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Matius 28:20

Wo susuiano mangé séra wosama' émaan éra waya sé aiperénta-Ku ai camu. Pena'né-na'néieno mangé, Yaku kasake' ang karapi miow akar ing kaka'puan ing kayo'baan.”

1 Korintus 10:11

Pakasa sé mamuali ai séra itu, mééo tuus ai cita. Wo pakasa en itu aipatic e méé tata'néi ai cita. Ampa'paan kita intarépé' menonou an oras imatawio ing kaka'puan ing kayo'baan.

2 Korintus 11:3

Taan en caindé'ku em bewerot iow kauwakan akar ra'io ka'i wutu-wutul le'tek a si Kristus, kaputé i Hawa indior ka'i kinatawéran i ula' ampa'paano im pakauwak i ula' itu.

2 Korintus 2:17

Kami ra'ica meputé wo sé kinakelian tou sé mengakua in abar i Amang Kasuruan e mangéré ing kauntungan in esa. Em paangé-angén ami lekep en até, ampa'paan si Amang Kasuruan e rumu'du' icami. Wo si Amang Kasuruan in esa en suméré sapaoka icami makua in abar itu tanu ata-ata i Kristus.

Efesus 2:2

An tutuw itu kamu mengakiité' ing kanaramen ing kayo'baan anio', wo mengakiit si kikiiten é sétang si cumawasa an langit. Siao e roh si matawoi intarépé' an untep in até é tou sé ra'ica le'tek a si Amang Kasuruan.

Ibrani 1:2

Taan asé endo kaka'puan ing kayo'baan anio', si Amang Kasuruan maroma' ai cita mengapaké si Toyaang-Na in esa. Wo ampa'paano i Toyaang-Na anio', eng kayo'baan wo pakasa sé an untepna émaan i Amang Kasuruan. Wo aitantu-Nao sapaoka si Toyaang-Na awéan kaloasan makaanu im pakasa sé niéma'-Na itu.

Ibrani 9:26

Ampa'paan sa si Kristus menguri-nguri maragés in owak, tantu tumo'tolke' mai eng kayo'baan niéma' Sia musti menguri-ngurio masangkum ing kawenduan. Taan asi endo-endo ka'kapuan ing kayo'baan anio' Sia mai wayake' i makasa e rumagés in owak-Na in esa en tumu'bus ing kamesé-meséaan é tou.

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.

Yudas 1:14

Awéan si taranak kapitu i Adam makangaran Henokh, sia kumua i nunuwu' i Amang Kasuruan andumoro' sé tou itu. Icuana in tana'i, “Si Casuruan maai oka ang karapi é mariwu-riwu malaékat le'nas.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Wahyu 13:14

Wo ampa'paan in tuu-tuus sé niéma'nao an dior i binatang kataré itu, sé tou ang kayo'baan anio' aisélé'kowna. Iru'du'na séra méma' im patong eng giona tanu si binatang kataré, si pinéla'o in sa'bel taan menonouke'.

Wahyu 19:20

Wo si binatang itu mewali-wali wo si nabi ra'ica wutul tinangka'o. Si nabi ra'ica wutul ituo si sumangkumo méma' in tuu-tuus kakaya'kaan an dior i binatang itu, akar sia sumélé'kow sé tou sé itumerimao in tuus i binatang itu wo si kumuru en sumiri' im patongna. Wo si binatang itu mewali-wali wo si nabi ra'ica wutul itu imenonoué' aiténdélo an ta'sic api walélang wangker si mengembu-ngembung.