Matius 13:30 - En Taar Weru a nunuwu' é Tontemboan

³⁰ Anaé, iwayao taré mio' eng gandum wo eng kuung itu tumou mewali-wali akar an orasna in upuun. Wo an tutuw itu icuaku oka a sé maupu' in tana'i: Umungen owo eng kuung wo émaano sanga-sanga wa'kes wo tunun. Kekawus in itu umungeno eng gandum wo mangé yéma' am paumungan ing gandumku.’ ”

Matius 13:30 ပူးပေါင်းရင်းမြစ်များ

Matius 13:25

Taan asi sangawengi an tutuw é tou kinakili'ano waya, si kaséké' i makauma itu mai muras in lulumbo ing kuung an uner ing gandum itu wo sia maréng.

Matius 13:29

Taan isowat i makauma, ‘Tioo, sa kémbuten iow sé kuung itu, tantu awéan eng gandum kakémbutan.

Matius 25:32

Wo pakasa im bangsa li'usen oka an dior-Na, wo petanén-Na séra mamuali rua ngaumung, meputé wo si gembala itumané sé domba an uner é mémbé'.

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Matius 3:12

E ni'u ipataap ang kama-Nao. Weresin-Na oka em papisian im béné' wo umungen-Na em béné' loor am paumungan, taan sé wéné' pesel tunun-Na oka an api si ra'ica mape'de-pe'del.”

Lukas 3:17

Ipetané-Na sé tou maéman wo sé tou ra'ica maéman ai Sia. Tanu in andéan anio', e ni'u ipataap ang kama-Nao en tumané im béné' matu-watu wo sé pesel. Em béné' matu-watu umungen-Na am paumungan wo sé pesel itu tunun-Na oka an api si ra'ica mape'de-pe'del akar ing kauré-uré.”

Yohanes 15:6

Si séike' mangé si ra'ica menonou meesa wo Yaku, sia tanuoka im pangana si ra'ica mawua', itiya' oka wo mapera, wo li'usen oka é tou wo iténdél an untep in api wo tunun.

1 Korintus 4:5

Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.

1 Timotius 5:24

Awéan piraan tou sé kinailekano mengaéma' ing kamesé-meséaan. Mandé ka'i séra ra'ipé' niakim i Casuruan, taan eng kamesé-meséaan éra kailekano waya é tou. Wo sé walina ka'i méma'o ing kamesé-meséaan taan ra'ipé' kinakailekan. Eng kamesé-meséaan éra itu kakailekan oka asi endo mengangai.